Furðulegur framgangsmáti af hálfu íslenskra yfirvalda.

Ok. þar eru reglur og sona - en aðilinn var giftur íslenskum ríkisborgara.  Þau voru hjón.   Það hlýtur að hafa einhverja merkingu af hálfu yfirvalda eða stofnana sem um málið véla.  En segjum sem svo að vegna formsatriða hafi það enga merkingu hjá yfirvöldum og stofnunum - að þá mundi maður allavega búast við einhverjum prósess.  Tilkynningar með verulegum fyrirvara sem viðkomandi gæti þá brugðist við o.s.frv.  

En þá er hátturinn hjá íslendingum sá, að viðkomandi aðilar mæta til skráningar samkv. reglugerð - þá eru þau beðin um að koma innfyrir glerið.  þ.e. glerið á afgreiðsluborðinu.  Þar er þeim sagt að fá sér sæti og slaka á því von sé á mönnum til að veita upplýsingar um mál þeirra.  Svo líður einhver dáldill tími og þá mæta 4 menn sem tilkynna - að annar aðilinn sé handtekinn.  Og næsta skref sennilega að senda úr landi.  Hinn aðilinn þurfti að margspurja:  Er þetta grín eða?  Þetta getur ekki verið raunverulegt? o.s.frv.  Og það er að vonum því þetta hljómar algjörlega súrrealískt.

Svo sagði einhver þarna stofnanaeinstaklingur þegar hann var spurður hvort nauðsynlegt  hefði verið að handtaka einstaklinginn:  Ja, einstaklingurinn hefur nú bara verið í haldi í klukkutíma.

Bara í klukkutíma já.  

Eins og íslenski ríkisborgarinn benti á í viðtali - þá er þetta hreinlega ómannúðlegt.  Það er ótrúlegt að íslendingar skuli starfa svona eða viðhafa svona vinnubrögð.   

 

Izekor sleppt og ekki send burt

Sjallar semja um Icesaveskuldina.

Það er broslegt að fylgjast með þeim sjöllum og framsóknarmönnum núna verandi að semja um icesaveskuldina.   

Jafnframt er eftirtektarvert að þetta gengur bara þokkalega þegjandi og hljóðalaust fyrir sig, að því er virðist.  Forseti í fríi sennilega.  Forsætisráðherra líklega líka.  Þeir sjást ekkert.  

Ennfremur er áberandi skorturinn á upphrópunum og vitleysisbulli almennra þjóðrembinga og öfgamanna - sem vonlegt er enda fylgja þeir sér á bak við sína flokka, sjallaflokk og framsóknarmannaflokk og hlýða í einu og öllu línunni.

Lengingin flýtir ekki afnámi

Svona vinnur Sjallaflokkurinn. Dæmigert.

Öllu haldið í höftum og helsi - en vegna þess að einhverjum Sjalla útí bæ fannst maturinn góður, þá var kippt í spotta.   Fyrirkomulagið sem sjallar hafi sett á þetta ríki Ísland hefur svo háð landi og lýð allar götur frá Lýðveldisstofnun.   Hér er ekkert gegnsæi eða almennar reglur heldur skiptir öllu máli hvort einhver Sjalli sé ánæðgur með matinn og þá fær málið hraðferð í gegnum Sjallakerfið.  Annars skeður ekkert.   

Ráðherra gekk í málið

Pítsuþjónusta framsóknarmanna í ruglinu. Hvernig ætla svo þessir menn að stjórna einu landi? Geta ekki einu sinni rekið pítsuþjónustu.

,,Ríkisskattstjóri segir að endurskoða þurfi tímasetningu á gildistöku laga um verðtryggingu verðtryggðra húsnæðislána. Þetta kemur fram í umsögn hans til efnahags- og viðskiptanefndar við frumvarp til laga um leiðréttingu lánanna.

Gert var ráð fyrir því að landsmenn, sem frumvarpið nær til, myndu geta sótt um niðurfellingu þann 15. maí. Ríkisskattstjóri segir þá dagsetningu ekki raunhæfa. Ætla verði að umfjöllun Alþingis um málið taki nokkurn tíma."

http://www.visir.is/segir-landsmenn-ekki-geta-sott-um-nidurfellingu-thann-15.-mai/article/2014140509323

Á sama tíma ætla sjallar að ausa um hundrað milljörðum úr Landskassanum rétt si sona til að borga kosningaloforð Framsóknarflokksinns.

Auk margra margra milljarða tekjutaps sem verður af kosningaloforðum Sjallaflokksinns.

Ástæða þess að stjórnarflokkarnir láta heilbrigðiskerfið reka á reiðanum er sem sagt sú að þeir ætla að ausa svo mikið úr Landskassanum til að borga fyrir aðgang sinn að kjötkötlunum. 

Önnur eins hörmungarstjórn hefur ekki komið yfir þetta land frá Lýðveldisstofnun.

Það eina sem gert hefur verið á einu ári er að færa fjármuni frá hinum verr settu yfir til elítunnar.

Grunnþjónustan fær svo að kenna á því.  

Þvílík hörmung.   Og ábyrgð þeirra er stór sem kusu þessi ósköp yfir landið. 

Vandinn snýr ekki að fjármögnuninni

Hringlandinn í stjórnarflokkunum áberandi.

Það er alveg orðið skrautlegt að fylgjast með þingmönnum ríkisstjórnarflokkanna að maður tali nú ekki um svokallaða ráðherra þeirra.   Hægt að sjá þetta allt á Alþingisrásinni.  Allur þeirra framgangur virkar óskaplega hringlandalegur og taktíkin virðist vera að setja hitt og þetta til einhverra ráðgjafafyrirtækja útí bæ sem skila svo af sér einhverjum óskapnaði sem ekkert verður síðan gert með.

Virkar fálmkennt og fullt af reynsluleysi ásamt vanmætti gagnvart því verkefni að halda samfélaginu saman.

Það í raun eina sem ríkisstjórnin hefur gert er að færa fjármuni frá hinum verr stæðu til hinna betur stæðu.  Annað hefur nú ekki verið gert.

Skrautlega uppákomu mátti sjá á þingi í dag þegar einhver framsóknarmaðurinn átti að stjórna þingfundi - hann virtist ekkert kunna til verka.  Starfsmaður útí sal þurfti hvað eftir annað að grípa fram fyrir hendurnar á honum og gera í raun allt fyrir hann.  Hann virtist ekkert hafa reynt einu sinni að setja sig inní djobbið.  Það hefði verið alveg jafngott að hafa bara starfsmanninn sem forseta þingsins og spara þannig almenningi pening.

	Sigmundur furðar sig á glerhöll
Ábyrgðarmaður færslu Tenging við þessa frétt hefur verið rofin vegna kvartana.

Leiðtogi Boko Haram: Annaðhvort stendur fólk með okkur eða með Obama, Hollande, Bush og Clinton - að ógleymdum Abraham Lincoln. Ban Ki-moon og vantrúaðir: Kill, kill, kill!

Ljóst er að öllum er brugðið við myndband er birtist af leiðtoga Boko Haram,  Abubakar Shekau, þar sem hann virðist ekki alls ekki vera með réttu ráði.   Lítið er svo sem vitað um þennan einstakling og virðist ekki einu sinni ljóst hve gamall hann er eða hvar hann fæddist.   Fyrir nokkru síðan munaði litlu að hann yrði ráðinn af dögum og eftir það er eins og hann hafi færst allur í aukanna og sent frá sér fleiri vidio og sérkennilegri.   Engu líkara er en einstaklingurinn hafi annaðhvort misst vitið eða sé undir áhrifum afar sterkra lyfja.

 

Stúlkuránið glæpur gegn mannkyninu

Það var engin ,,sjálfstæðisbarátta íslendinga við dani". Það er lygi og sögufölsun.

Það var bara barátta innlendrar elítu til að fá að kúga þjóðina.    Í því skyni notfærðu þeir sér hreifingu sem miðaði að þjóðríkjum og var alþjóðleg þróun.  

Verulegur skriður kom á yfirstéttina eftir að þeir danir slógu skjaldborg um alþýðu manna og neituðu elítunni, framsjöllum nútímans, að þeir fengu að böðlast á þjóðinni.

Þetta er sagnfræðilega viðurkennt núna en það á eftir að upplýsa almenning miklu mun betur um þetta og umrætt hefur heldur ekki náð nógu vel inní skólakerfið.  Í skólakerfinu er víða ennþá verið að ljúga að nemendum varðandi Íslandssöguna. 

Ísland 1861: Alþingi reynir að lauma inn ákvæði þar sem elítan fengi að refsa vinnufólki án dóms og laga. Danir gera íslensku elítuna afturræka með fordæðuskap sinn gagnvart almenningi.

Hugsa sér.  Íslenska yfirstéttin vildi fá að halda þeim sið sínum að lemja og berja þjóðina og Alþingi samdi bænaskrá og vildi lauma inní frumvarpið um vinnuhjú:  ,,húsbóndi má refsa hjúi sínu".

1861.  þá vildi elítan íslenska, framsjallar nútímans,  fá að berja vinnufólk að vild.  

Danir sögðu auðvitað þvert nei!  Þið fáið það ekki framsjallar!  Sögðu þeir danir.

Þetta samþykkti elítan íslenska með 17 atkvæðum - og einn var á móti!  Einn á móti. 

Elítan lúffaði svo með þetta með mikilli ólund eftir að danir vörðu íslenska alþýðu.

Eftir þetta jókst áhugi og undirferli elítunnar að fá allt vald til sín. 

Danir vildu frelsa almenning á Íslandi undan harðstjórn og helsi íslenskrar elítu uppúr miðri 19.öld.

Þetta er sagnfræðileg staðreynd.  Uppúr miðri 19.öld fór almenningur í Evrópu að fá miklu mun meiri réttindi en áður hafði þekkst.  Danir vildu að réttindin næðu líka til íslenskrar alþýðu og vildu frelsa almenning undan íslensku elítunni.

Þá gerðist það að íslenska elítan, nokkurnvegin framsjallar nútímans,   fóru að heimta að ráða þessu og hinu og fá formleg völd og kennivald inní landið.

Þetta varð síðan í sögufölsun og lygi framsjallaelítunnar kallað ,,sjálfstæðisbarátta íslendinga við dani".

En var í raun ósköp einfaldlega það að innlend elíta vildi áfram fá að kúga þjóðina og halda í höftum og helsi.

Þetta er allt sagnfræðilega viðurkennt núna - en það á enn eftir að segja íslendingum frá þessu og kenna fólki í skólum ískaldan sannleikann um framferði elítunnar gagnvart þjóðinni.