,,Leiðréttingin" þýðir að hinir ríku fá en fátækir ekki.

,,Oddný Harðardóttir, þingmaður Samfylkingarinnar og fyrrum fjármálaráðherra, segir að samkvæmt áætlun um dreifingu skuldaniðurfellingaraðgerðar ríkisstjórnarinnar, hinnar svokölluðu Leiðréttingu, skuldir tekjuhæstu 30 prósent landsmanna yfir 64 prósent af öllum íbúðalánum. Þeir fái því 51 milljarð króna af þeim áttatíu sem skuldaniðurfellingarnar eiga að kosta. Þau þrjátíu prósent þjóðarinnar sem hafi minnstu tekjurnar fái hins vegar einungis fimm milljarða króna. Þetta kom fram í útvarpsþættinum Sprengisandi í morgun þar sem Oddný var á meðal gesta."

http://kjarninn.is/2015/05/segir-tekjuhaesta-thridjung-thjodarinnar-fa-51-milljard-ut-ur-leidrettingunni/

Seint verður sagt að ríkisstjórnin sé heppin með sín verk.

Umtalað hefur verið hve óhöndulega ríkisstjórninni ferst í öllum sínum verkum.  Ofan á það bætist óheppni.  Ríkisstjórnin gerir allt svo óheppilega. Nú síðast fóru þeir útí það að sprella með lista útí heimi alveg útí bláinn og til að fullnægja einhverjum sérkennilegum siðum innan heimssýnarklúbbsins, skilst manni, ásamt hagsmunum einhverra útí bæ.  Hvað gerist?  Jú, þeir fara útí svona sprellilæti á þeim tíma þegar allur meginþorri manna hefur snúist á sveif með því sjónarmiði að Aðildarsamning skuli klára og kosið þar um.  Nei!  Þá fer ríkisstjórnin útí sprellilæti!  Ótrúlega óheppilegt.  Eigi eykst fylgi stjórnar við þetta svo mikið er víst.

Um helmingur höfuðborgarbúa vill aðild að ESB án þess að hafa séð samninginn.

Það er mikið að um helmingur reykvíkinga vilji barasta ESB án samnings.  Það er mjög eftirtektarverður munurinn á milli Höfuðborgar og Landsbyggðar.  Það sýnir vel að um óhjákvæmilega þróun er að ræða.  Það er líka umhugsunarvert hve afstaða fólks er rokkandi.  Það er soldið þannig að ef ferli er í gangi, - þá hefur fólk tilhneigingu til að kippa að sér hendinni en um leið og reynt er að setja lok á pott, - þá snýst fólk.  Allt er þetta mikið áhyggjuefni fyrir ofsa-sinnaða andstæðinga Evrópusambandsins.

Formenn stjórnarflokkanna, þeir SDG og Bjarni, grípa fram fyrir hendur velferðarráðherra.

Í húsnæðis/leigumálunum og fleiri félagsmálaatriðum.  Grípa fram fyrir hendur Eyglóar, setja hana útí horn og taka málaflokkinn til sín og ætla að nota hann sem skiptimynt í samningum við vinnumarkaðinn.  Alveg ótrúleg framkoma.  Og framsóknarmenn taka þátt í þessu.  Ráðherrann bara settur útí horn, SDG og Bjarni ráða.  Alveg merkilegt að verða vitni að þessu.

Þetta er ástæðan fyrir því að skagfirðingum fækkar.

Fólk flýr svona málflutning ráðamanna skagfirðinga, fyrst og fremst framsjalla og þeirra stór-fyrirtækja,  sem hafa alla þræði þarna í hendi sér:   ,,Ekki virðist styrkur Norðurlands vestra byggðalega vera í samræmi við sterka stöðu KS sem utanríkisráðherra hampar, því Norðurland vestra stendur nú verst allra svæða samkvæmt úttekt Hagstofunnar. Þannig nam fækkun íbúa í Skagafirði 1,7% milli ára og víða er fækkun í nálægum byggðum."

Með sama áframhaldi rústa framsóknarmenn svæðinu algjörlega.

 

Vilja að Birgitta biðjist afsökunar

Framsóknarmenn og sjallar láta fjarlæga nafn Íslands af lista.

Eigi verður þetta nú til hagsbóta fyrir land og lýð.  Landið bara hverfur!  Rétt eins og það sé ekki til lengur.  Mjög óskynsamlegt af ríkisstjórninni að leggja sérstaka áherslu á að afmá nafn Íslands á umræddum lista.  Ekkert nema skaði sem verður af þessu.  Umsóknin að Sambandinu heldur svo bara áfram sinn gang.  Eru ekki sjallar og framsókn með um 30% fylgi?  Jú.  Stefnir í nýja ríkisstjórn eftir í mesta lagi tvö ár.  

Ísland af lista yfir umsóknarríki

Hljómar afleitlega.

Eg veit ekki hvað stjórnvöldum gengur til en allt þeirra tal í sambandi við samninga og aðgerðir ríkisstjórnar þar að lútandi, - virkar barasta álíka og tal útí bláinn.

Muni hagnast fyrst betur stæðum en síður verr stæðum.  Og þetta er framlag þeirra til samninga.  Hljómar illa.  

Lægsta þrepið verður lækkað

Hefur virkilega ekkert gerst á Alþingi í dag?

Engar fréttir.  Ríkisstjórnin virðist svo langt frá því að vera að halda tímaáætlun í vinnslu sinna mála.  Það gerist ekkert.  Jú jú, það er tuddast eitthvað um völlinn, frekjast eitthvað áfram og oftast lendir allt í handaskolum hjá stjórnvöldum.  Það eina sem þeir hafa gert er að færa fjármuni frá verr setta hluta samfélags yfir til hins betur setta.  Að öðru leiti virðast þessir menn bókstaflega ekkert geta gert.

Þó að ríkisstjórnin falli ekki þá hefur hún misst allt traust og umboðið er gríðar veik.

Talsvert hefur verið rætt um hvort ríkisstjórnin falli núna í sumar eða hvort stjórnarflokkarnir komi sér saman um að hanga á stólunum sem hundar á roði.  Stjórnin virðist ekki ætla að segja af sér og það er spurning hvort sjallaflokkur gæti samt viljað mynda nýja stjórn með nýjum flokkum.  Framsóknarflokkurinn hefur misst allt umboð sem hann fékk 2013.  Misst allan trúverðugleika.  Það er ekkert traust.  

Ef framsókn og sjallar ákveða að hanga á þessu í tvö ár, - þá er stjórnin samt orðin svo veik að erfitt er að sjá hvernig hún ætlar að leysa stóru málin er bíða.  Það sem er mest einkennandi fyrir vinnubrögð þessar hægri-stjórna er hve hún er óprófessíonal.  Ótrúlegt hve þeir geta klúðrað miklu þessir freku kallar.  Það er ekkert langtíma plan.  Engin heildarhugsun.   Það er bara böðlast um völlinn og reynt að frekja sig áfram með tilheyrandi yfirgangi gagnvart hinum lakar settu í samfélagi.

Það fréttist ekkert af millifærsluskýrslunni og afnámi gjaldeyrishafta.

Hvorutveggja var að búið að boða.  Í fyrsta lagi átti að koma mikil skýrsla um dreifingu niðurgreiðslu íbúðarlána og í annan stað er von á lögum sem afnema gjaldeyrishöftin meira eða minna.  Stjórnvöld lofuðu því.

Það fréttist ekkert.  Og það er skrítið.  Hlýtur að vera allt mestanpart tilbúið og sérstakt að ekkert berist út um efnisinnihald.  

Best gæti eg trúað að lítið sé um efnisinnihald í báðum atriðum.