Og heimildirnar fyrir þessu, - eru hverjar?

Mér sýnist, í fljótu bragði, allt vera rangt í máli varaþingmannsinns og svo virðist að ef menn eru komnir inná þing þá geti þeir bara sagt hvað sem er útí hött.   Grikkland er vissulega með huge her.  Og sennilega eru þeir grikkir stoltir af sínum her eins og gengur.  Ég held að það sé ekki einu sinni Syrisa maður sem er yfir hermálunum.  Held það sé ofsa-hægri aðili úr samstarfsflokknum.   Það hefur vissulega verið skorið eitthvað niður hjá hernum en það er athyglisvert að engin almenn krafa frá grískum almenningi er um það.  Við skulum hafa í huga, að Tyrkland er nágranaland Grikkja.  Þeir hafa líka her.  Eru reyndar í sama herbandalagi og Ísland, Nato.  Það er ekkert alltaf allt gott þarna á milli.  M.a. eru óútkljáðar landamæradeilur, minnir mig.  

Mátti ekki skera niður til hermála

Framsóknarmenn seildust í vasa fátækra og gáfu ríkum milljarða. Staðfest.

Skýrsla um Leiðréttinguna komin út: Tekjuhæstir fengu mest.

Meðallækkun á hófuðstól verðtryggðra húsnæðisskulda var mest hjá tveimur efstu tekjutíuundum umsækjenda. Meðallækkunin hjá tekjutíundum var á bilinu 890 þúsund krónur til 1.620 þúsund krónur.

...

http://kjarninn.is/2015/06/skyrsla-um-leidrettinguna-komin-ut-tekjuhaestir-fengu-mest/?utm_campaign=coschedule&utm_source=facebook_page&utm_medium=Kjarninn&utm_content=Sk%C3%BDrsla%20um%20Lei%C3%B0r%C3%A9ttinguna%20komin%20%C3%BAt:%20Tekjuh%C3%A6stir%20fengu%20mest

Eru Tsipras og Varofakis búnir að tapa sér?

Um fátt  meira hefur verið rætt en fáheyrða hegðan þeirra Syrisa forsprakkanna tveggja síðustu dægrin.  Hegðanin þykir svo óábyrg að fáheyrt er í alþjóðasamskiptum.  Sumir velta fyrir sér hvort Tsipras sé hreinlega of ungur til að átta sig almennilega á ábyrgð.  Hann er um fertugt, minnir mig.  Varofakis þykir þó sínu verri.   Málið er það náttúrulega, að Syrisa og Tsipras lofuðu aldrei að setja allt í fokk í Grikklandi.  Þeir ætluðu að redda málum.  En eru búnir að fokka öllu svoleiðis upp að þeir liggja nú undir þungu ámæli frá mörgum sinna andstæðinga og að einhverju leiti innan eigin flokks.  Það hefur margoft komið fram að meirihluti grikkja vill vera í ESB og með Evru og hefur ekki viljað hætta slíkum grundvallaratriðum í Lánamálinu.  En Tsipras hefur nú gert það.  Hann er búin að setja allt í fokk og virðist alveg ráðalaus.

 

 

Fyrstu skoðanakannanir í Grikklandi sýna meirihlutastuðning við samninginn.

Búið að gera tvær kannanir.  Önnur sýnir 57% stuðning og hin 47% stuðning en 33% nei.   Flestir telja þó að tæplega sé hægt að draga stórar ályktanir af þessu.  Framhaldið velti á hvernig mál þróist næstu 2-3 daga, hvernig upplegg pólitíkusa og flokka verði o.s.frv.  Ráðamenn Syrisa hvetja fólk til að segja nei.  Í gær lá Tsipras undir þungri gagnrýni frá höfuð stjórnarandstöðuflokknum.  Samaras leiðtogi Nýs Lýðræðis sagði að Tsipras hefði augljóslega feilað og brugðist grikkjum big time og nú hvetji hann grikki til að setja ESB- og Evruaðild í uppám með ófyrirsjánlegum afleiðingum.

Ástandið á grikkjum.

Flesta rak í rogastans þegar Tsipras sagðist vilja halda þjóðaratkvæði eftir 7 daga um lánasamninginn.  Þetta þykir almennt hið mesta óráð og eitthvað sem menn gera alls ekki. Sumum þykir Tsipras ekki hafa lagt nægilega vel upp bakgrunninn og mögulegar afleiðingar þegar hann lýsti þessu yfir í sjónvarsávarpi.  Mörgum þykir líka skrítilegt hve eindregið Syrisa menn eru að hvetja fólk til að segja nei.   En þingið á eftir að samþykkja þetta.  Deila má um hvort fyrirætlanir standist stjórnarskrá.   Skráin leyfir að vísu þjóðaratkvæði í ákveðnum tilfellum en ekki varðandi fjármál ríkis o.þ.h.

Lánveitendur senda grikkjum gagntilboð.

Svo virðist sem ekki hafi allir samþykkt plan grikkja og nú sé komið gagntilboð.  Kemur í og með á óvart, - en þó ekki.  Ljóst var að ræða þyrfti plan Syrisa betur og í sjálfu sér ekki óeðlilegt að hlutum sé velt fyrir sér.  En Tsipras virðist hafa reiðst þessu og segir á twitter að hann hafi aldrei vitað annað eins.  Sumir telja að það sé IMF sem geri aðallega athugasemdir.

 

Afhverju er Grikkland í vandræðum?

Það hefur yfirleitt verið lítil umræða um afhverju nákvæmlega vandræði grikkja stafa.  Menn hafa oftast verið uppteknir af ESB eða IMF o.s.frv.  En málið er auðvitað að vandinn liggur hjá grikkjum eða gríska stjórnkerfinu.  Nú er orðið almennt viðurkennt, að grikkir þurfa að framkvæma ákveðnar strúktúral breytingar.  Þær beinast aðallega að skattakerfinu og eftirlauna- og lífeyriskerfinu.  Það hefur berlega komið í ljós síðustu 5 ár, að afar erfitt er að beita skattatækinu í Grikklandi.  Margir virðast geta komið sér undan skattatækjum sem allra jafna eru afar virk á Vesturlöndum.  Jafnframt er sjóðakerfið með hálf dularfullum hætti.  Strax í byrjun stóð til að taka á þessu, - en það gerðist ekkert.  Menn byrjuðu og hættu við.  Reyndu síðan aftur o.s.frv.  Niðurstaðan var að nánast ekkert er búið að gera.  Það er ljóst að ýmsu þarf að breyta í stjórnkerfi og strúktúr eins og Eiríkur Bergman fór yfir á RUV í gær. 

Grikkir virðast hafa sent frá sér raunhæfa áætlun.

Málin eru þó frekar óljós ennþá.  Meðal annars hafa sumir fjölmiðlar, ss. FT, fullyrt að grikkir hafi sent frá sér röng skjöl í fyrstu og síðan hafi komið ný skjöl.  Þessu er þó neitað í Grikklandi.  Hálfvandræðalegt.  En samkvæmt Reuter felst tilboð grikkja í að hafa 3 virðisaukaþrep, 6, 13 og 23%,  sérstakan skatt á hagnað fyrirtækja auk hækkunnar skatts á laun yfir vissu marki og að lokað sé ákveðnum gluggum sem leyfa eftirlaunaaldur fyrir 67 ára aldur.  Þessar aðgerðir eiga að leiða til að ríkisútgjöld komist í þokkalegt jafnvægi yfir lengri tíma.  Við fyrstu sýn virðast þetta nú ósköp sakleysislegar ráðstafanir og vandséð að sjá meinta kúgun og harðræði.  Það er vandséð.  En vissulega er margt enn óljóst og ýmsar stofnanir eiga eftir að rýna betur í dæmið.  Vekur athygli að ekkert er minnst á skuldaeftirgjöf.

 

Það sem er merkilegast við síðustu aðgerðir stjórnvalda í þrotamálum er

hve aðgerðirnar virðast óundirbúnar og hve mikill hringlandaháttur er á meðferð málsins.  Það er skattur þarna og skattur hérna,  en æ æ, þá er kominn stóri skattur kannski, - eða bara ekki o.s.frv.  Hringlandaháttur.  Afar ótraustvekjandi hringlandaháttur.  Það er eins og skattafrumvörpin sem hefur verið baxast með séu bara plat.  Hafi aldrei staðið til að skattleggja eitt né neitt.  Svo er núna verið að reyna að fóðra einhverja snilldarlausn etc.  Lausn sem virðist alltaf, alla tíð, hafa legið fyrir en einhverra hluta vegna þá mátti ekki fara hana. 

Skattlagningin á ekki rétt á sér

Lýðskrumsstjórnvöld í Grikklandi setja heimsmet í heimsku.

Það er tæpleg einleikið hve mikið rugl er á grískum stjórnmálum.    Undanfarin ár hefur hvert málið á fætur öðru komið upp sem sýnir að eitthvað er bogið við stjórnun ríkisins. Samt er eins og margir séu í afneitun á vandamálið.  Sjái ekki meginatriði og kjarna en eltast við allskyns vitleysu og óraunsæishjal.  Almennt um efnið, að þá er að sumu leiti skiljanlegt það sem einhverjum hefur dottið í hug, að Syrisa flokkurinn undir forystu Tsiprasar ætli í raun ekkert að semja og hafi aldrei ætlað sér það.  Þá cita menn gamlar kommúnískar tengingar ýmissa flokksmanna og nefnt er, að tilgangurinn er þá að valda usla til að vinna öðrum hugarefnum sínum framgang o.s.frv.  Eg veit það ekki, en miðað við fíflalætin, - þá verða slíkar kenningar ekkert alveg fráleitar.