Jæja, nú er aldeilis spennan í Grikklandi.

Það sem virðist gerast eftir kosningarnar er að maður gangi undir manns hönd og segi að nei hafi í raun þýtt já.  Tsipras talar núna um samning á 2-3 dögum.  Eitt af mörgu furðulegu við síðustu snúninga á Grikklandsmálinu er,  að alveg er óljóst hverjar kröfur Syrisa og Tsipras eru.  Nú verðu fróðlegt að sjá hvað Grikkir leggja fram á morgun.

Margt er um þessi mál rætt í Grikklandi eins og gefur að skilja.  Meðal þess er hve skoðanakannanir voru langt frá niðurstöðunum.  Sumir vilja óháða rannsókn á hvort brögð hafi verið í tafli eða hvort kannanir hafi verið settar handvirkt fram o.s.frv. og þá vilja menn vita hver hafi ákeðið það.  Varoufakis var búinn að segja að ekkert væri að marka þessar kannanir.

En Varoufakis yfirgefur sviðið samkvæmt síðustu atburðum.  Talið er að hann muni nú einbeita sér að fyrirlestrum og fá vel borgað fyrir.  Hann er orðin ákveðin stjarna innan viss hóps.  Hér yfirgefur hann fjármálaráðuneytið. Konan hans situr fyrir aftan hann.  Varoufakis hefur lifað undanfarið líkt og poppstjarna.

 

Grafalvarleg staða Grikklands.

Ljóst er að staða Grikklands er grafalvarleg.  Nú hefur Tsipras stjórnin brugðið á það ráð að láta Varoufakis taka pokann sinn.  Sá sem er talinn líklegur eftirmaður hans hefur leitt samningaviðræður Grikkja,  Tsakalotos.  Sumir nefna Seðlabankastjórann líka sem valkost.  Báðir eru álitnir allt öðruvísi týpur en Varoufakis og hafa hvað  mildasta og raunsæjasta yfirbragð þeirra aðila grikkja er komið hafa að samningaviðræðunum.   

2-5% meirihluti á nei-vagninum í Grikklandi að því er virðist samkvæmt síðustu könnunum.

Samkvæmt könnunum sem gerðar voru rétt fyrir kosningarnar virðist nei-vagninn hafa 2-3% meirihluta.  Þetta eru auðvitað afar vond tíðindi fyrir Grikki í alla staði.  Sýnir svo margt og sannar.  Þjóðaratkvæðagreiðslur eru stundum bókstaflega skaðlegar en í besta falli hlægilegar.  Í annan stað, er Tsipras stjórnin búin að koma Grikklandi í svo mikið rugl, - að vandséð er hvernig þeir ætla að klóra í bakkann með þetta.  Jafnvel þó ESB sé allt af vilja gert að bjarga grikkjum, - þá er vandséð að það sé hægt með þá bakkabræður Tsipras g Varoufakis við stjórn.  Það er vandséð.

 

Varoufakis: Það er ekki búið að gera neinar opinberar kannanir varðandi þjóðaratkvæðagreiðsluna.

Fjármálaráðherra grikkja, Varoufakis var í viðtali við El Mundo.  Þar segir hann að það sé ekki búið að gera neinar alvöru kannanir varðandi afstöðu fólks til þjóðaratkvæðagreiðslunnar.  Þær kannanir sem hafi birst séu bara orðrómur.  Eftirfarandi er bara í gegnum google translate en meginmerking orða Varoufakis kemur alveg fram.  Merkilegt fyrirbrigði þetta google translate:

Blaðamaður:  ,,And what do you forecast will happen? Surveys show that as the days have progressed the ,,no"  has lost ground and that the ,,yes" has been gaining popularity. 

Varoufakis: What surveys?  The interesting thing here is that they have not released official surveys ... It's fascinating, is not it? Why is that?

B:  Sorry to say yes circulating surveys on the referendum they say ...

V: No, no polls, not one. The rumors circulating are not surveys. Until this very moment, as far as I know, none of the companies has issued official surveys surveys. He has just come out a survey, and the company that made it withdrawn from circulation. Why? The only reason I can think of is that the 'no' wins and those who make or commission the surveys do not want you to know ...

B:  Will not you be paranoid?

V: I do not think, really. If you are allowed to publish polls before the referendum and are not published, the only reason I can think of is that.

 http://www.elmundo.es/economia/2015/07/04/5596f1b3ca47412d048b459e.html

Schulz forseti Evrópuþingsins: Grikkland þarf stjórn tæknikrata.

Umsögn forseta Evrópuþingsins um Grikklandsmálið hefur vakið talsverða athygli.  Hann segir bókstaflega að hann hafi enga trú á Tsipras og Syrisa-Anel stjórninni.  Nú verði grikkir að vera raunsæir, segir hann, og kjósa já á sunnudag.  Þá verði Tsipras stjórnin að hætta og boðað yrði til kosninga.  En fyrst ætti að taka við stjórn tæknikrata til að koma umbótum á og ballansera fjárlögin. ,,New elections would be necessary, if the Greek population votes for the reform program and remaining in the euro zone and Mr. Tsipras duly resigns. But the time until the election would have to be bridged with a technocratic government, which we could keep negotiating with. If this temporary government can come to a reasonable agreement with the creditors, Syriza’s time would be over. Then Greece would have another chance."  

https://global.handelsblatt.com/edition/211/ressort/politics/article/alexis-tsipras-is-misleading-people

Svört skýrsla IMF um Syrisa-Anel stjórnina. Kostnaður af henni orðinn gríðarlegur. Grikkland þarf enn meiri pening.

,,In its report on the embattled Greek economy, the Washington-based global financial body says changes in Greek policies and its economic outlook since earlier this year "have resulted in a substantial increase in financing needs" not met by the existing proposals of either the government or its creditors." http://www.bbc.com/news/world-europe-33373390

Vandræði Syrisa-Anel stjórnarinnar fara vaxandi.

Mikil gagnrýni er á athafnir stjórnvalda og margir hafa líkt síðustu gjörðum þeirra við farsa.  Skaðakostnaðurinn sé orðinn óásættanlegur og boðuð þjóðaratkvæðagreiðsla sé út í hött.  Greinilegt ósamkomulag og klofningur er kominn upp í röðum stjórnarsinna og nú síðast lýstu 3 þingmenn Anel, eða gríska sjallaflokksinns, því yfir að þeir hyggðust kjósa já í þjóðaratkvæðagreiðslunni.   Það sem m.a. hefur runnið upp fyrir fólki, er að athafnir Syrisa stjórnar fela þá hættu í sér að einhverjir bankanna muni verða að fara í þrot og þá eru fáir möguleikar í stöðunni nema svokölluð Bail-in aðferð sem farin var á Kýpur.  En sú aðferð felst m.a. í hárskurði á innstæðum eða þá öðrum peningastoðum viðkomandi banka.  Svo virðist sem afleiðingarnar af óábyrgri hegðan Syrisa og stjórnarinnar hafi komið mörgum grikkjum verulega á óvart.

Ruglið í Grikklandi er mikið.

Ástandið í Grikklandi er verra en flestir gerðu ráð fyrir að yrði.  Síðustu athafnir Syrisa og samstarfsflokksinns vekja sífellt meiri furðu.  Í raun er það rétt hjá fjármálaráðherra Þýskalands sem sagði að engin framþróun hefði orðið í Grikklandi eftir að Syrisa tók við fyrir nokkrum mánuðum.  Það sem er eftirtektarvert er ruglingurinn sem stafað hefur af stjórnvöldum.  Það er mjög erfitt að átta sig á þeim.  Upplýsingar eru mjög misvísandi.  Það er engu líkara en þeir starfi eftir þeirri strategíu í lánamáli sínu, að öllu sem skiptir máli er haldið leyndu.  Síðustu athafnir þeirra, að boða til þjóðaratkvæðagreiðslu, og einnig ummæli þeirra í kjölfarið benda soldið til þess að verið sé að knýja fram eitthvað atriði.  Þ.e.a.s. að samningar liggi nokkurnvegin fyrir en verið sé að kreista örlítið meira fram.  Á móti þessu kemur, að flestum virðist fórnarkostnaðurinn óásættanlegur.  Syrisa og Tsipras hafi orðið uppvísir af fáheyrðu ábyrgðarleysi og barnaskap.  Málið er nefnilega, að það er ekki svo gott að segja til um hver í raun afstaða Tsiprisar er og hvernig hann hugsar þessi mál fyrir sig.  Sumir telja að Tsipras sé búinn að missa alla stjórn á atburðarrásinni.  Hann hafi vanmetið ótal atriði og ekki reiknað með svo miklum vandræðum.  Hitt er svo annað, að sennilegast segir meirihluti fólks nei í þessum kosningum.  En ef til vill ekki mikill meirihluti.  Afleiðingarnar af síðutu afrekum stjórnarinnar virðast hafa komið mörgum grikkjum á óvart.  Tsipras liggur undir vaxandi gagnrýni og stundum ámæli.