Hver er þá náungi minn?

,,Lögvitringur nokkur mælti: „Meistari, hvað á ég að gera til þess að öðlast eilíft líf?" Jesús sagði við hann: „Hvað er ritað í lögmálinu? Hvernig lest þú?"  Hann svaraði: „Elska skalt þú Drottin, Guð þinn, af öllu hjarta þínu, allri sálu þinni, öllum mætti þínum og öllum huga þínum og náunga þinn eins og sjálfan þig.“ Jesús sagði við hann: „Þú svaraðir rétt. Ger þú þetta og þú munt lifa.“

En lögvitringurinn vildi réttlæta sjálfan sig og sagði við Jesú: „Hver er þá náungi minn?“ Því svaraði Jesús svo: „Maður nokkur fór frá Jerúsalem ofan til Jeríkó og féll í hendur ræningjum. Þeir flettu hann klæðum og börðu hann, hurfu brott síðan og létu hann eftir dauðvona. Svo vildi til að prestur nokkur fór ofan sama veg og sá manninn en sveigði fram hjá. Eins kom og Levíti þar að, sá hann og sveigði fram hjá. En Samverji nokkur, er var á ferð, kom að honum og er hann sá hann kenndi hann í brjósti um hann, gekk til hans, batt um sár hans og hellti í þau viðsmjöri og víni. Og hann setti hann á sinn eigin eyk, flutti hann til gistihúss og lét sér annt um hann. Daginn eftir tók hann upp tvo denara, fékk gestgjafanum og mælti: Lát þér annt um hann og það sem þú kostar meira til skal ég borga þér þegar ég kem aftur. Hver þessara þriggja sýnist þér hafa reynst náungi þeim manni sem féll í hendur ræningjum?“ Hann mælti: „Sá sem miskunnarverkið gerði á honum.“ Jesús sagði þá við hann: „Far þú og ger hið sama."

Það gefur á bátinn.

Eftir að ríkisstjórn framsóknar og sjalla tók við góðu búi frá Jafnaðarstjórninni, þá hófust þeir handa við að færa allt til verri vegar, færa fjármuni frá fátækum í vasa hinna betur settu.  Og það var fyrirséð.  Stefna framsjalla er þannig.  Nú, þar ofan á kemur asvo afglapaháttur framsjalla undir trommuslætti þjóðrembinga varðandi viðskipti landsins og tengsl útávið.  Því enginn er eyland.  Þeir hafa gert bókstaflega allt rangt.  Með þeim afleiðingum að stórskaði verður af ef ekki eru þegar gerðar ráðstafanir til að rétta kúrsinn og nýta þann byr sem býðst.  En ríkisstjórnin virðist svo veik.  Svo ringluð og ráðalaus.  Virðist ófær um að sinna tengslum útávið og viðskiptum svo vel sé.  Kannski treystir þeim enginn.  Gæti það verið?  Að enginn tæki mark á framsjöllum eftir óskaparframferði þeirra undanfarin ár?  Maður spyr sig.  Virðast alveg útá túni kallagreyin.

Framsóknarmenn viðurkenna að þeir hafi ekki slitið Aðildarviðræðunum að Sambandinu. (Skjalfest).

Þetta kemur fram í áliti Umboðsmanns Evrópu þar svo er skýrt frá að framsóknarmenn í formi Utanríkisráðuneytis líti ekki svo á að Aðildarviðræðum hafi verið slitið heldur aðeins settar á hold eða bið.

Það er nú meira bullið sem ráðandi öfl, framsjallar, forseti og þjóðrembingar, hafa komið landinu í.

Þvílíka ruglið.  Þarna gerðu ráðandi öfl Kína, Rússland og Nígeríu að sínum helstu höfnum, - alveg frábær hugmynd!  Svo er ekki einu sinni landbúnaðar/fiskimálaráðherra í Nígeríu.  Ekki hægt að ræða við neinn!  Þetta land vilja þjóðrembingar og framsjallar gera að sínum aðal viðskiptanaut.  Auk hálf-fasíska landsins Rússlands.  Svo var það Kína, - allt hrunið.  Eftir standa framsjallar alstrípaðir, forseti í flórnum og þjóðrembingar með allt niðrum sig. 

Ísland væri betur inní Sambandinu núna. Ábyrgð þeirra sem komu í veg fyrir aðild er þung.

Það er komið í ljós að gríðar mikilvægt var fyrir Ísland að gerast aðili að Evrópusambandinu á fullan og formlegan hátt síðustu misseri.  Það má greina það svo vel núna að Ísland verður, verður að vera aðili að Sambandinu.  Annað er einfaldlega allt, allt of kostnaðarsamt, öryggislaust og niðurdrepandi og í al-versta falli stórhættulegt.  En þetta heimtuðu framsjallar og þjóðrembingar ásamt forseta með offorsi og yfirgangi.  Það er dýrt bull og ofsaskapur ofangreindra aðila.

Er Ríkisstjórnin að opna viðræður um sjávarútvegskafla Aðildarsamnings að Sambandinu?

Svo virðist vera.  ,,Gunn­ar Bragi seg­ir að í viðræðunum verði farið fram á greiðan aðgang fyr­ir ís­lensk­ar sjáv­ar­af­urðir inn á Evr­ópu­markað" (Mbl.is.)  Það er bara beðið eftir því að ESB komi úr sumarfríi.   Það virðist allt á fleygiferð inn í Sambandið.

Bíða eftir að ESB komi úr sumarfríi

Verður Ísland ekki að gefa makrílinn til fátæku landanna?

Svo virðist sem enginn vilji kaupa makrílinn frá líú og þá skilst manni vegna þess að hann sé svo lélegur.  Vandræðin voru í raun byrjuð fyrir löngu og svo er að skilja á sumum fréttum að það hafi lítið fengist borgað fyrir makríl til Rússlands undanfarið.

Ísland virðist sitja uppi með makríl óseldann.

Sjálfsagt hægt að geyma afurðirnar eitthvað í frysti en það kostar líka.

Spurning hvort ekki sé hægt að gefa þetta til fátækari landa og þá hugsanlega sem hluta af þróunaraðstoð peningalega séð.

Ræflastjórnin.

Það er engin furða að þessi svokallaða ríkisstjórn hérna, framsjallastjórn elítunnar, sé almennt kölluð orðið Ræflastjórnin meðal almennings.

Þvílíka ruglið í hverju einasta andskotans máli.

Þetta fólk þarna er ekkert hæft til að vera í forsvari fyrir ríki.

Enda eru þeir að eyðileggja Ísland, lemja og berja á alþýðu manna og níðast á landinu á allan hátt svo nú stefnir í að landið missi barasta sjálfstæðið.

Það eru fáir sem geta tekið land alvarlega þar sem slíkir eru við stjórnvölin.

Utanríkisráðherra hundskammar LÍÚ og lemur suma aðila þar inni í hausinn með pönnu.

,,Gunnar Bragi Sveinsson utanríkisráðherra segir það óheiðarlegt hvernig sumir útgerðarmenn hafa talað um ákvörðun Íslands um að styðja viðskiptaþvinganir gegn Rússum. Ef menn taki eiginhagsmuni fram yfir heildarhagsmuni þá veltir hann því óneitanlega fyrir sér hvort þeir séu bestu mennirnir til að fara með auðlindina. Þetta er meðal þess sem kom fram í útvarpsþættinum Sprengisandi í dag."

http://kjarninn.is/2015/08/gunnar-bragi-utgerdarmenn-taka-eiginhagsmuni-fram-yfir-heildarhagsmuni/

Framgangur ráðamanna fyrir neðan allar hellur.

Það er vissulega rétt að standa með Evrópu í þessu máli, - en framgangur ráðherra landsins og þeirra tal um efnið er algjörlega far át.  Td. segja þeir það ráðamenn eða þeir tala þannig, að refsiaðgerðir rússa hafi komið þeim á óvart og í hverju þær fólust o.s.frv.  Þetta tekur engu tali.  Eru þessir menn ekki ráðamenn landsins?  Þeir hljóta, allir sem einn, að hafa vel vitað um hver sennileg viðbrögð rússa yrðu, matvælabann, og fiskur þar innifalinn.  Þeir hlutu að vita þetta.  Ja, ef þeir vissu eigi, - þá sýnir það algjöra vanhæfni og kunnáttuleysi.