Grænlendingar farnir að deila um hvort og hve mikið veiðigjald skuli vera fyrir makrílveiðar.

,,Grønlendski landskassin 150 mió. kr. í makrelavgjaldi.

Grønlendska landsstýrið ætlar í ár at krevja avgjald fyri royndarveiðu eftir makreli í Eysturgrønlandi.

Avgjaldið fer væntandi at liggja um 1,50 krónur fyri kilo, skrivar grønlendska kringvarpið á heimasíðuni.

Grønlandsbankin sigur í eini viðmerking, at samfelagsbúskaparliga er hetta í lagi, men mælir samstundis til varsemi.

Fyrr hevur onki avgjald verið á royndarveiðuni eftir makreli. Í fjør fiskaðu átta grønlendsk reiðarí fyri slaka eina miljard krónur við egnum og leigaðum skipum.

Sambært Grønlandsbankanum hepnaðist fiskiskapurin í fjør somikið væl, at reiðaríini nú umhugsa at gera íløgur í makrelveiðu, tí tey m.a. ætla at dúva upp á makrelveiðu í framtíðini.

Sambært grønlendska blaðnum Sermitsiaq mælir grønlendska arbeiðsgevarafelag politikarunum frá at áseta avgjald á royndarveiðuna, tí tað fer at tyngja um útreiðslurnar hjá fiskivinnuni.

Grønlendingar hava ásett sær sjálvum eina makrelkvotu í ár upp á 100.000 tons ímóti 70.000 tonsum í fjør.

Verður avgjaldið 1,50 krónur fyri kilo, merkir tað eina inntøku upp á 150 miljónir krónur til landskassan."

http://www.sandportal.fo/gronlendski-landskassin-150-mio-kr-i-makrelavgjaldi/