Vandræðagangur framsjalla með ESB málið endar sennilega með því - að Aðildavirðæður að Sambandinu halda barasta áfram.

Í raun var upplegg framsjallaflokkanna fyrir kosningar 2013 allt hið fáránlegasta - rétt eins og önnur kosningaloforð þeirra á heimsmælikvarða sem þeir erum með allt á hælunum gagnvart og virðast ekki geta efnt eitt kosningaloforð.  Allt sem þeir hafa gert hingað til er það sem þeir lofuðu ekki.  Eða lofuðu þeir að moka undir elíturassana á kostnað hinna verr stæði samfélaginu?  Nei.  Hélt ekki.  Þeir lofuðu því ekki.  En efndirnar á loforðaflaumslýðskrumslygi framsjalla eru þær að þeir hafa verið pungsveittir við að moka undir elítuafturendana og hinir verr stæðu borga brúsann.

Nú nú.  Aftur að ESB málinu.  Það að lofa þjóðaratkvæðagreiðslu um umsóknina að Sambandinu - að lýðskrumið var loforðið um þjóðaratkvæðagreiðslu.  Framsjallar hafa aldrei verið hrifnir af þjóðaratkvæðagreiðslum.  Það hefur aldrei verið príorití hjá þeim.

Vandamálið er að lofa þjóðaratkvæðagreiðslu í þessu sambandi.  þ.e. um hvort eigi að ræða við ESB um Aðild Íslands.  Það hefur aldrei neitt land gert þetta.  Eðlilega fyrirkomulagið er að stjórnvöld taka ákvörðun um þetta efni eða þjóðþingin.  Þegar eitt þing hefur samþyggt aðildarumsókn - er bókstaflega kjánalegt og skaðlegt að eyða aðildarumsókninni.  Í þessu ákveðna tilfelli er það alveg yfirmáta kjánalegt og skaðlegt.

Þessvegna eru framsjallar í þvílíka sjálfheldunni í málinu og það bara vegna eigins lýðskrums, óvitaháttar og bullustampaeðlis.

Það er alveg áberandi mjög, hve mikið skortir á varðandi eðlilega verkstórn hjá stjórnvöldum.  Þetta er allt einhvernveginn svo handahófskennt og vandræðalegt að öllu leiti, að stórskaðlegt er fyrir landið og lýðinn.  Stórskaðlegt.   En náttúrulega er eðlilegt að verkstjórnin sé svona og svona þegar verkstjórinn hverfur alltaf og sést ekki dögum saman.

Með útspil VG eða Katrínar formanns, að þá átti hún ekkert aðvera að leggja fram tilboð um að fresta aðildarviðræðum til loka kjörtímabils eða svo.  Hún átti ekkert með að vera gera það.   Vg verður að fara að ákveða sig hvernig flokkur það vill verða.  Eða vill Katrín virkilega fá einangrunnarrugludalla aftur inní flokkinn?  Vill hún það.  Vill hún að VG sé margir flokkar eða að nokkrir aðilar séu bara í eigin fokki innan VG og að flokkurinn í heild verði óstarfhæfur?

Það er bara ein raunsæ leið - og það er bein leið til Brussel.  Halda aðildarviðræðum áfram, samning uppá borð og kjósa þar um.  Allt tal um annað er óábygt, óskynsamlegt og óraunsætt.