Nojarar vilja endurskoða Smugusamninginn vegna framferðis LÍÚ/framsjalla.

,,Norska reiðarafelagið vil hava norska Fiskimálaráðið at tingast við fiskivinnuna í Noregi um at endurskoða sáttmálan um Smoguna.

Freistin at biðja um at fáa sáttmálan endurskoðaðan ella uppsagdan er 1.juli. Hendir einki, heldur sáttmálin fram óbroyttur í fýra ár, til 2018.

Norskir reiðarar halda, at framferðin hjá Íslandi ger tað neyðugt at endurskoða sáttmálan. Reiðararnir hugsa um støðuna hjá Íslandi í makrelstríðnum og, at møguleikarnir hjá norskum skipum at fiska sínar kvotur í íslendskum sjógvi eru avmarkaðir.

Norska reiðarafelagið Fiskebåt vil eisini hava, at NEAFC fær størri lut í umsitingini av fiskastovnunum í Smoguni.

Smogusáttmálin varð gjørdur í 1999 fyri at fáa millum annað íslendingar at gevast við at fiska tosk í altjóða sjógvi í Barensthavinum, í Smoguni, ella Smutthullet, sum norðmenn kalla leiðina.

Ísland, Noreg og Russland gjørdu smogusáttmálan. Samstundis fingu norskir myndugleikar heimild til at seta skip, sum fiskaðu í Smoguni, á svartalista og seta teimum forboð móti at avreiða fisk úr Smoguni. Afturfyri slapp Ísland at fiska tosk í norskum sjógvi og russiskum sjógvi.

Og norsk skip sluppu at fiska botnfisk og lodnu í íslendskum sjógvi.

http://kvf.fo/greinar/2014/03/25/norska-reidarafelagid-vil-endurskoda-smoguna