Framsjallaspillingin alræmda.

,,Ferð Sigmundar Davíðs Gunnlaugssonar forsætisráðherra til Edmonton í Kanada á dögunum var alfarið í boði Icelandair. Um var að ræða auglýsingaferð til að kynna jómfrúarflug flugfélagsins til borgarinnar. Ferðin var kynnt sem vinnuferð en Sigmundur Davíð ferðaðist á fyrsta farrými í boði Icelandair. Guðjón Arngrímsson, upplýsingafulltrúi Icelandair, staðfestir í samtali við DV að fyrirtækið hafi greitt flug Sigmundar Davíðs til Edmonton. Hann segir að fyrirtækið hafi einnig borgað gistingu forsætisráðherra meðan hann dvaldi í borginni. Eiginkona Sigmundar sem og aðstoðarmenn hans, Jóhannes Þór Skúlason og Jörundur Valtýsson, voru með honum í för.

Á eftirhrunsárunum voru boðsferðir embættismanna íslenska ríkisins mikið á milli tanna almennings og talið óeðlilegt af flestum að embættismenn þægju slík boð frá fyrirtækjum í einkaeigu. Jóhannes Þór Skúlason, aðstoðarmaður Sigmundar, viðurkennir fúslega að ferðin hafi verið boðsferð í samtali við DV en segir ferðina ekki brjóta gegn siðareglum ráðherra þar sem hann hafi hitt kanadíska embættismenn í ferðinni."

http://www.dv.is/frettir/2014/3/19/sigmundur-flaug-fritt-fyrsta-farrymi-F1U0LH/