Frábær árangur hjá Degi Sigurðar á EM. Breidd þýska liðsins svakaleg.

Verð samt að segja, að eg botna ekki alveg í hvernig þetta norska lið komst svo langt.  Sennilega stemmingin sem spilar inní.  Margir mjög ákveðnir í norska liðinu.  En seiglan og trúin í þýskurum kláraði þetta á endanum.  Þýskarar voru ekkert stressaðir yfir að fá leikinn í framlengingu.  Trúin á að þeir gætu klárað þetta skein af þeim.  Og þeir virðast hafa endalausa röð leikmanna.  Koma tveir óþreyttir inn og brillera.  En þetta hlýtur að teljast þjálfarasigur hjá Degi, að komast svona óvænt í úrslit á sjálfu EM.

Óvænt úrslit á EM í handbolta. Danir og frakkar úr leik.

Leikur dana og þjóðverja var afar spennandi allan tíman en hjá dönum gerðist það sama og í gegn svíum að danir gáfu eftir undir lokin.  Og eftir á séð var það viðloðandi þessa tvo síðustu leiki hjá dönum, að allan leikinn var yfirvofandi að mótherjinn gæti vel náð yfirhöndinni.  Það líkt og vantaði einhvern neista hjá dönum.  Löngun til að klára leikina.  Vissulega eru svíar og þjóðverjar með sterk lið og þjóðverjar að spila núna fanta vel með ungum jafngóðum leikmönnum.  Og það munaði svo litlu.  Eitt mark gegn svíum.  Ákveðin vonbrigði fyrir Guðmund en á móti er Dagur að koma aldeilis sterkur inn.  Eins og einhver benti á, þá var eins og Dagur væri oft skrefi á undan Guðmundi.  Dagur tók af skarið, breytti vörn margsinnis.  Á móti virkaði Guðmundur passífur og þurfti alltaf að eltast við breytingar á þýsku vörninni.  Sóknin hjá dönum gekk ekki nægilega vel.  Kannski spilaði þreyta inní en það má segja að hið hraðspilandi lið dana hefði átt að gera betur gegn afar framliggjandi vörnum sem þeir fengu á sig gegn svíum og þjóðverjum.  Hefðu átt að nýta sér svæðin betur með hlaupum og klippingum.  En vissulega, eins og áður er sagt, þá munaði nánast engu.  Svona er handboltinn.  Eins má nefna, að merkilegt er eftir að hafa séð tilburði Landins í markinu gegn spánverjum, - þá var hann ekki svipur hjá sjón í þeim tveim leikjum sem eftir fylgdu.  Nú, fleira óvænt gerðist á EM.  Það ótrúlega gerðist, - að frakkar töpuðu fyrir frændum okkar norðmönnum.  Þannig í dag er ekkert fyrirfram gefið í þessum handboltabransa.  Það er nokkuð ljóst.

Gríðar athyglisverður leikur milli dana og þjóðverja í dag á EM.

Danska maskínan virtist hiksta þegar þeir gerðu jafntefli gegn svíum í gær.  Það var soldið sérstakur leikur, mikil barátta og líkamleg átök, þar sem svíar virtust ekki ætla að gefa dönum neitt.  Samt sem áður var það þannig, að manni virtist danir vera að spara sig.  Fannst þeir ekki reyna alveg eins og þeir gátu, sérstaklega í vörninni.  Mikkel Hansen er að fá góða dóma í Danmörku fyrir þann leik, - en eg get ekki sagt að hann hafi sýnt mikið.  Svo var hann tekinn útaf stærsta part seinni hálfleiks.  Erfitt að átta sig algjörlega á liðinu.  Kemur soldið úr sem að togstreyta sé milli Guðmundar og Hansen.  En góður er hann þegar hann sýnir sitt besta líkt og gegn spánverjum.  Jafnframt finnst manni að mun meira sé hægt að fá útúr Mensha en þegar er.  Ótrúlegur leikmaður.

Hægt að sjá leik dana og spánverja á RUV.

Þetta er bara skylduáhorf: 

http://www.ruv.is/sarpurinn/ruv-aukaras/spann-danmork/20160124

Þvílíkt barasta.  Margt umhugsunarvert þarna.  Td. hve manni virðist í fyrstu danir vera heldur lakara liðið en ef horft er á heildartímann, þá er engu líkara en þetta hafi verið planið allan tíman.  Þ.e. lúra svona rétt á eftir þeim og taka þá svo með hælkrók í seinni lotu o.s.frv., - og þar með eru danir náttúrulega betra liðið allan tíman.  Nokkur skipti í fyrrihálfleik sem danir voru verulega óheppnir eða klikkuðu úr góðum færum.  Samt halda þeir alltaf dampinum.  Tvisvar í röð klikkar vörnin hjá þeim illa, - samt er keyrt nákvæmlega það sama í næsta skipti, - og þá virkar það etc.  Hjá dönum er plan og þeir halda sig við það í grunninn allan tíman en samt með ótrúlega fjölbreytilegum útfærslum og mannskap.  Þetta er bara list.

 

Ótrúlegur sigur dana á spánverjum á EM.

Þessi leikur var alveg magnaður.  Þvílíkt og annað eins.  Það kom þarna bara í ljós, að danir geta líka alveg verið sterkir maður á mann, sérstaklega á miðsvæðinu.   Miklu öflugari en maður bjóst við í vörninni Mollegaard en danir voru að vísu líka samtaka í öllum varnaraðgerðum.  Í fyrstu fannst manni danir hika sóknarlega og að Mikkel Hansen væri að taka allt of mörg skot með litlum árangri.  En danir einhvernvegin gáfust aldrei upp og hafa nægilega breidd til að geta breytt liðinu eftir aðstæðum.  Hentaði betur Hansen og Damgaard saman en Hansen og Mensha í þessu tilfelli.  Landin skipti líka talsverðu.  Danir virtust eiga inni aukaorku, gátu gefið í í restina og náðu að klára leikinn á um 10 mínútna kafla í seinni hálfleik.  Það þarf ekkert endilega að leiða leikinn í fyrri hálfleik.    Virkilegur glæsileiki yfir leik danska liðsins gegn feikisterkum spánverjum.  Þetta var bara handboltaleg veisla þessi leikur.

Það verður þrekvirki ef Guðmundur nær að knýja fram danskan sigur gegn spánverjum á EM.

Vegna þess einfaldlega, - að Spánn er með betra lið.  Frakkar og spánverjar eru með sterkustu liðin þarna líkt og undanfarin misseri.  Gríðar sterk handboltalið þó frakkar virðist ívið sterkari.  Til að danir geti unnið spánverja þarf allt að ganga upp hjá þeim og rúmlega það.  Helsti vandinn, að mínu mati, sem Guðmundur stendur frammi fyrir er að spánverjar fara kannski að leika, það sem ég kalla,  maður á mann taktík.  Þau gera það þessi sterku lið þegar á reynir.  Hætta barasta að mestu í kerfum og fara að leika maður á mann á þeirri forsendu að hver einstaklingur í liðinu er svo ótrúlega sterkur.  Sterkari en flestir aðrir mótherjar.  Þannig geta lið líkt og spánverjar og frakkar leikið bara einfalt fyrir utan, - og svo skyndilega er maður tekinn á, komist framhjá í krafti líkamsstyrks, - og allt opið.  Það verður afar spennandi að sjá hvernig Guðmundur ætlar að leysa þetta en sem kunnugt er, þá er Guðmundur mikill pælari og hefur sýnt að hann kann að laga leik sinna manna að andstæðingunum.

EM í handbolta búið spil fyrir Ísland.

Það gerðist eiginlega það sem maður átti ekki von á að Ísland komst ekki uppúr fyrsta riðli.  Slök spilamennska kom kannski ekki alveg á óvart miðað við reynsluna frá Katar og stundum síðar.  Hefur ekkert verið álitlegt á köflum.  Hinsvegar tapaðist það markmið að komast uppúr riðlinum í Hvítrússa leiknum.  Þann leik var alveg vel raunsætt að vinna.  Sagan sýnir hinsvegar að Ísland hefur oftast átt í erfiðleikum á móti króötum enda Króatía eitt af betri handboltalöndum heims til lengri tíma.   Vandamál Ísland sýndist mér vera að sóknarleikurinn var ekkert nógu góður.   Í tilfelli Króatíu, þá svoleiðis átu þeir sóknartilburði Íslands.  Gríðaröflug vörn, 5+1 sem útfærðist í 3-2-1 á köflum.  Ísland átti sóknarlega barasta ekki breik gegn þessari varnartaktík.  Kom ekki skoti á markið og línusendingar blokkeraðar.  

Síðan gerðist það sama og í Hvítrússaleiknum, að það var barasta keyrt á hundrað í bakið á Íslandi, hraðaupphlaup, 2. og jafnvel 3. bylgja.  Ísland fékk aldrei tækifæri til að skipuleggja varnarleikinn.  Fyrstu 15 mínútur í króataleik var varnarleikur Íslands einfaldlega tekinn úr sambandi.  Ísland fékk ekki einu sinni tækifæri til að beita sínu sterkasta vopni sem hefur verið varnarleikur og barátta í vörninni.  Það var mjög erfitt við þetta að eiga fyrir Ísland.  Besta lausnin hefði sennilega verið, að geta skipt alveg um leiktaktík.  Að hafa þá breidd að geta skipt 2-3 mönnum og þannig gjörbreytt stíl, tempói og grunnuppleggi.  Ísland hafði hinsvegar ekki þá breidd.  Þeir gátu ekki brugðist við, ekkert plan b eða c, virtist vera.

Framsjallar og þjóðrembingar stofna banka í Asíu.

Og hver borgar?  Jú, sjómenn, bændur OG hjúkrunarkonur hérna uppi.  Almenningur borgar og gerist ábyrgðaraðili að banka, - í Asíu!  Allt í gúddý segir þjóðin.  (Það sem maður er búinn að hlægja að þessari uppákomu framsjalla.  Meiri andskotans hörmungin sem manni er boðið uppá hérna.  Og þetta kýs meirihluti innbyggja slag í slag til einvalda.  Og er síðan steinhissa á að framsjallar rústi öllu.  Alveg steinhissa.)

EM í handbolta. Guðmundur lét Mikkel Hansen ekkert spila í seinni hálfleik í viðureign dana og rússa.

Það vakti náttúrulega athygli að Hansen var bara á bekknum.  Þetta er álíka og taka Aron útaf í heilum hálfleik hjá Íslandi.  Hansen er einn af al-bestu boltamönnum í dag.  Borið hefur á talsverðri gagnrýni á þessa framkvæmd hjá Guðmundi þjálfara dana.

En Guðmundur stillti í raun upp ólíkum liðum í fyrri og seinni hálfleik.  Taktíkin hjá liðinu var öllt önnur með Mensah og Damgaard í aðalhlutverkum í seinni hálfleik, allt annað tempó sem fylgdi þeim og sérstaklega Mensah sem Guðmundur virðist hafa trú á og vilja nota talsvert.

Það er alveg hægt að sjá á þessu danska liði,  hversu miklu meiri möguleika menn hafa þar til að breyta liðinu eftir aðstæðum.   Danir geta rúllað mönnum  miklu meira án þess að komi niður á gæðunum.

Guðmundur hafði áður verið gagnrýndur í Danmörku fyrir að leika á of fáum mönnum.  Nú er hann gagnrýndur fyrir að leika á of mörgum mönnum.

Eg held þetta hafi verið rétt hjá Guðmundi.  Það getur verið afar gott að hafa Hansen þokkalega óþreyttan er líður á mótið.  

Það er líka alveg óskastaða að Mensah hafi klárað hlutverk sitt svona vel og hann gerði í gær.  Mensah hefur sérstakan stíl og eykur mjög fjölbreytni í aðgerðum danska liðsins.

Það að mjög góðir menn, líkt og Hansen,  séu ,,heilagir" og megi ekkert hrófla við þeim, - það er eiginlega liðin tíð.  Handboltinn núna styðst mikið við það að rúlla öllu liðinu.  Þegar sömu menn eru að leika mjög mikið, - þá er það yfirleitt veikleikamerki.

EM í Handbolta og möguleikar Íslands.

Maður mundi halda fyrirfram, að Ísland geti átt á brattan að sækja í þessu móti.  Liðið náttúrulega gott og allt það, mjög leikreynt.  

En það eru þarna viss atriði sem gera það að verkum að maður efast um að liðið nái langt þó það komist auðvitað uppúr riðlinum.

Það er veikleikamerki að Aron sé svona mikilvægur, að mínu mati.

Nútíma handbolti þarf gríðarlega breidd í liðinu og að menn séu kannski ekki að leika nema 20-30 mínútur í hverjum leik.

Ísland hefur ekki enn tileinkað sér þetta.  Þessvegna er talsverð hætta á að liðið fari að gefa eftir þegar líður á mótið og leikir hrannast upp.

Hraðinn og lætin eru orðin svo mikil í handboltanum að menn hafa varla úthald í marga slíka leiki í röð.  Bestu liðin leysa þetta með að láta marga leika, dreifa álaginu.

En í leiknum í gær, sem dæmi fyrripart seinni hálfleiks, - þá var Aron eiginlega að taka öll skotin að marki.  Og það gekk ekki alveg upp, að mínu áliti.  Það var ekki fyrr en fleiri stigu upp þarna í restina ss. Róbert að það náðist að knýja fram sigur gegn Norðmönnum sem nb. eru ekkert með sérlega leikreynt lið, mest strákar einhverjir, efnilegir samt.

Það var samt jákvætt að sjá hvernig reynt er að bæta leikstjórnendastöðuna.  Sennilega rétt að láta Arnór vera eitthvað þar.  Það er miklu meiri ógn af honum að markinu heldur en frá Snorra.

Það er algjört grunnatriði í dag í handboltanum, að það sé ógn frá leikstjórnandanum að markinu.  Það hefur skort á það frá Íslandi undanfarin misseri.

Landsliðsþjálfarinn er kannski búinn að finna einhverja lausn með þá stöðu og verður fróðlegt að sjá hvernig mótinu vindur fram.