Allt eftir bókinni í leikjum dagsins. Frakkland og þýskaland mætast í næstu umferð.

Nígería og Alsír spiluðu þó að mörgu leiti vel á köflum - en andstæðingar þeirra voru sterkari á heildina litið og sér í lagi er leið á leiktímann.

Þarna skiptir barasta hefðin og reynslan svo miklu máli.  

Eftir þessa leiki er samt vandasamt að meta styrkleika Frakka og þjóðverja.  Bæði lið hafa á tímabilum sýnt mikinn styrk en þess á milli hafa þeir verið dáldið rólegir.

Maður hefur á tilfinningunni að þeir hafi verið að spara aukatankinn og ætli að tengja hann þegar á þarf að halda.

Frakkar sýndu kraft sinn í riðlakeppninni gegn Sviss í byrjun leiks og þjóðverjar gegn Portúgal.

Það er ógerningur að spá fyrir um hvernig innbyrðis leikur nefndra þjóða fer - en að mínu mati eru þjóðverjar örlítið sterkara lið.  Örlítið.

Frakkar hafa að vísu sýnt að þeir geta leikið frábæran sóknarleik - en þá kemur á móti að ekkert grín er að fá skyndisóknir frá þýskalandi.  Það er því efasamt að Frakkar leggi í mikinn sóknarleik gegn þjóðverjum.

Sennilegast verður því leikurinn taktískur og bæði lið munu vilja forðast öll slys eða óþarfa áhættutökur.

Í slíkum leik er þýskaland örlítið sterkara, að mínu mati.  Þeir eru aðeins fjölhæfari og jafnframt aðeins meira lið.  Massífari liðsheild.

Það skiptir líka miklu máli hjá þeim þýsku, að svo virðist sem litlu breiti þó þeir þurfi að setja menn inná af bekknum.  Mennirnir af bekknum smellpassa alltaf inní heildina og það tekst varla eftir því að skipt hafi verið.  

Það er meiri fjölhæfni og breidd hjá þjóðverjum og betra skipulag á liðsheildinni.

En hitt er svo sannað mál, að franska liðið hefur gríðarlega sterka einstaklinga sem fátt fær staðist ef þeir ná að stilla sig saman.

Það stefnir því í magnaðan leik. 

Þjóðverjar höfðu úthaldið í framlengingu