Opinn umræðufundur í Færeyjum um makrílsamningana. Sjávarútvegsráðherra Færeyja m.a. við pallborð. (Video)

Þar kemur alveg fram hver ástæðan var fyrir að íslensk stjórnvöld vildu ekki semja.   Íslensk stjórnvöld vildu ekki gefa eftir veiðar í Grænlenskri lögsögu.  Kröfu Íslands um veiðar í ESB sjó eða Noregssjó var líklega hafnað.  Svo er að skilja að Ísland hefði getað náð um 12% heildarkvóta en stjórnvöld eða LÍÚ hafi metið það sem svo, að það væri betra að vera án samninga, setja sér kvóta einhliða og geta að auki veitt í Grænlenskum sjó.  

Ísland gerði mál úr heildarkvóta en upplegg Norðmanna var að hann yrði yfir milljón tonn - en á sama tíma ætlaði Ísland að veiða makríl á Grænland. fyrir utan samning um heildarkvóta.

 Sjávarútvegsráðherra Færeyja segir nánast að þetta hafi verið fráleitt upplegg af Íslandi.  Hann segi það ekki beint, en segir eitthvað á þá leið, að það sé alltaf þannig í samningum sem þessum, að samningarnir snúist alltaf um veiðar í lögsögum ríkjanna sem standa að samningunum.  Óeðlilegt væri síðan að ætla a veiða úr umsömdum stofni í lögsögu 3. lands.  

Ekki er alveg ljóst hvort Ísland hefði getað fengið einhvern aðgang að ESB eða Noregs sjó ef þeir hefðu fallið frá Grænlandsveiðunum en svo er að skilja á færeyingum að upplegg Noregs hefði verið að Ísland ætti ekki rétt á veiðum á makríl í Norskum sjó.  Hvað hefði gerst ef Ísland hefði ekki farið að gera mál úr heildarkvóta fyrsta árið og ef fallið hefði verið frá Grænlandsveiðunum er er samt ekki alveg ljóst:

http://aktuelt.fo/her+saert+tu+kjakfundin+um+makrelsemjuna.html#.Uyo94Pl_uIg