Herslumunurinn.

22.1.2013 | 21:31

Daniel Svenson bendir á í bloggi sínu sem minnst er á í frétt, að ef Ísland hefði sigrað rússa - þá hefði eins og leikir röðuðust í úrslitum, Ísland jafnvel komist í keppnina um medalíu.

Það liggur í orðum hans að hann telji Ísland vera allt að eins gott og Rússland og lítið hafi borið á milli liðana í Rússland-Ísland leiknum.

Að mínu mati kom vel fram í leiknum að rússar eru mun sterkari en á undanförnum árum en Ísland heldur lakara en á undanförnum árum. Virkaði þannig á mig leikurinn þegar á leið, að Ísland ætti aldrei möguleika á að vinna. það var ákv. getumunur á liðunum.

þar hafði auðvitað sitt að segja að vantaði lykilmenn ss. Peterson og Atlason en eg efast um það þeir hefðu breitt heildarniðurstöðunni.

það sem er líka áberandi, að mínu mati, er að þeir nýju sem koma inn í liðið núna þeir eru ekkert eins sterkir og nýliðar sem komu inn síðustu 10-20 ár eða svo. Á undanförnum áratugum hefur verið stöðug endurnýjun snjallra handboltamanna sem hafa dottið inní liðið. Reglulega komið nýliði geypi sterkur inn o.s.frv. Ekkert slíkt er til staðar núna.

Svo þegar fleiri póstar snjallra handboltamanna af eldri deildinni í landliðinu fara að minnka við sig á næstu árum - þá mun augljóslega fylgja lægð í árangri landsliðsins í handbolta. Og það er ekkert ljótt við það. Bara eðlilegt. það geta ekki alltaf verið jólin. það er ekkert alltaf hægt að ná 2. sæti á Ólympiuleikum og 3. sæti á EM.