Brian Jones var mikill listamaður, að mínu mati.

Að hann stofnar þarna Rolling Stones, má segja, og var prímusmótor til að byrja með.  Dreif þetta áfram.  Hann hafði hinsvegar lítinn áhuga á að gerast poppstjarna sjálfur músikklega séð.  Hann var allur í djassinum og blúsinum eða flóknari tónlist.  

Eitt af því sérstaka við hann músikklega var hve fjölhæfur hann var.  Hann gat spilað á öll hljóðfæri.  Honum var rétt eitthvað, gítar, píaná, banjó, sítar framandi afrísk hljóðfæri - hann tók bara viðkomandi hljóðfæri og spilaði á það.  

Hann hinsvegar samdi ekki lög og texta sjálfur.  Það leiddi til þess er fram liðu stundir, að hann þokaðist útá kannt í hljómsveitinni.  Jagger og Richard urðu sí mikilvægari þegar þeir fóru að semja lögin sjálfir.  

Síðan endar ævi Brians snögglega sem kunnugt en þá var hann nýhættur í Rolling Stones og óþarfi að rekja þá sögu.

Lengi hefur verið deilt um hvort og hve mikil áhrif Jones hafði á tónlist Rollinganna. Ósjálfrátt hafa ummæli hinna meðlimanna verið í þá átt - að gera hlut Brians sem minnstan.  En eru þeir sjálfir endilega besta heimildin um það?  Efa það.  

Þegar maður fer að horfa á gömul video af Rollingunum live á youtube, - þá sést strax og heyrist að Brian setur rosalegan svip á heildardæmið.  Hann hefur svo spes útlit og útgeislun og ennfremur hefur hann hlutverk tónlistarlega eða framlag tónlistarlega.

Hann kemur oft með eitthvað fínt, einhverja skreytingu, - ekki endilega eitthvað stórt og hávært, - en samt þess eðlis að setur sitt mark á lagið og heildardæmið.

Að mínu mati hafa áhrif Jones í Rollingunum í byrjun verið vanmetin.

Rollingarnir voru miklu framsæknara band tónlistarlega meðan Brian var með, að mínu mati.  Það er meiri list í tónlistinni.  Þar hefur Brian óumdeilanlega sitt að segja,  tel ég.

Það má sjá Rollingana á eftirfarandi bandi og Brian með að spila á gítar.  Nú er að vísu ekki gott að segja hvort hljóðið er endilega frá þessum tónleikum því auðvelt er að fixa slíkt til sem kunnugt er, - en eg met það svo að hljóðið sé frá þessum tónleikum.  Ef menn lesa kommentin við youtubebandið sjá menn,  að strax byrjar þetta með að Brian hafi ekki skipt máli og fullyrt er að gítar Brians sé ekki plöggaður inn þarna.

Nú er eg svo sem ekki sérfræðingur í gítarleik en samkvæmt minni greiningu er augljóst að tveir gítarar eru í gangi þarna.  Richards og Brians.  Kemur sérkennilega frábært  samspil hjá þeim og, að mínu mati, sér Brian um pínulitla atriðið sem skiptir svo mestu er upp er staðið.  Hann er að spila grunn rythmann þarna, að mínu mati.  Dú dúmm, dú dú dú dú dú os.frv.   Taka ber eftir hve heildarsvipurinn á öllu er framsækinn þarna.  Vísar langt fram í tímann.

 

Bestu landsliðin í handboltanum eru orðin hrikalega sterk líkamlega.

Hávaxnir og hrikalega sterkir líkamlega.  Naut að burðum, eins og sagt var í denn, kraftmiklir.  

Það eru þarna spánverjar og frakkar sem líklega eru sterkustu liðin núna en nokkur önnur koma fast á eftir, td. danir.   

En danir voru barasta ekki alveg nógu líkamlega sterkir til að ná að létta pressu spánverja af sér.  

Danir voru vissulega óheppnir í færum, td. vítaskotum en spánverjar náðu með líkamsstyrk sínum að knýja fram sigur, naumlega þó.  Þeir héldu forystunni mestallan leikinn.  

Danir náðu aldrei alveg að létta af sér pressunni en viðureignin var hörð.  Varnarleikur beggja liða var hinn athygliverðasti.  Gríðarlega öflugar varnir.

Sama þema sást líka í fyrri leiknum í dag.  Katar er með hrikalega sterka menn líkamlega.

Vissulega fannst manni dómarnir sumir sérkennilegir og halla frekar á þjóðverja, - en það breytir því ekki að þjóðverjar höfðu tækifærin til að gera meira en voru að klikka úr dauðafærum ítrekað og markvörður Katar átti stórleik.  

Eftirtektanvert er, að miklu meiri harka er í heildina leyfð núna en fyrst í mótinu.  

Leikirnir í dag voru hreinn bardagi á köflum, sérstaklega í fyrri leiknum.

„Spiluðum ekki okkar besta leik“