Misheppnuð árás Jósefínu Witt á Draghi seðlabankastjóra.

Jósefína þessi er vel þekkt í þýskalandi og var í mótmælunum við heimsókn Pútíns, minnir mig.  Síðan mótmæltu hún og fleiri í Túnis og hvort þær voru ekki handteknar þar og einhver rekistefna spannst af milli landa.   Hún hefur augljóslega náð að koma sér gegnum öryggiseftirlit á þeirri forsendu að hún væri blaðamaður en sumir hafa bent á að það öryggiskerfi sé ekki uppá marga fiska fyrst það síaði ekki Jósefínu Witt úr.

Í samhengi atburða undanfarna mánuði og misseri var þessi uppákoma hjá Jósefínu alveg misheppnað, að mínu mati.  Þarna feilaði hún algjörlega.  Ráðast svona og hrekkja gamlan mann að ósekju og í tilgangsleysi er ekki sniðugt. 

Henni var svo sleppt bara si sona eftir klukkutíma og þá fór hún beint á twitter, að því er sagt er.