Þjóðrembingsgoðsögnin at it again.

Það á ekki að heyrast lengur og hvað þá sjást á prenti að á Íslandi hafi verið eitthvað sérstakt ,,blómaskeið" frá 1000-1200.  Það er bara mýta og typikal þjóðrembingsgoðsögn sem einhverjir gæjar hérna útí bæ kokkuðu upp yfir morgunkaffinu á þjóðrembingsflippi í kringum árið 1900.

Í raunveruleikanum er þetta þannig, að þegar Ísland gerist aðili að Evrópska Kristnisvæðinu uppúr 1000,  þá verða ákveðin umskipti menntunarlega og varðandi þráðbeinna tengsla við Evrópu sem byggir smám saman upp ákveðinn grunn menningarlega.   

Gæðin sem Ísland nýtur af aðildinni að Kristnisambandinu fara svo stigvaxandi uppúr 1200 má segja. 

Nú,  Með eflingu Konungsvalds  í N-Evrópu, þá nýtur Ísland líka góðs af því um og eftir 1200 og alveg til 1400 en þá kemur bakslag við Svarta dauða, eðli máls samkvæmt.  Hvað skeður eftir 1400 verður ekki fjallað um hér, en þar er líka að mörgu að hyggja.  Efnahagslega má alveg færa rök að því að þá hefjist mikið blómaskeið með tengslunum við Hansasambandið.

Það er ekkert sem bendir til að þjóðarbúskapur hafi verið betri á Íslandi fyrir 1200 en eftir 1200.  Ef eitthvað er, þá eru mikil og sterk rök sem hníga að því, að miklu mun betra búsældar- og efnahagslega séð hafi verið eftir 1200.  Enda voru þá skrifaðar margar Íslendingasögur, sem dæmi, og helstu og stærstu sögurnar eru skrifaðar um 1300 eða eftir það jafnvel.  

Og það að líklega hafi verið búsældarlegra í efnahagi landsins eftir 1200 er þeim mun athyglisverðara ef haft er í huga að sennilegast var gengið á náttúruleg gæði landsins fram að 1200.  Landnemarnir gengu miskunarlaust á landsins gæði.  Landið var byggilegra fyrst í stað vegna gróðurfars og gæði þess smá eyddust er aldirnar liðu og þarf varla að rekja þá sögu.

Þetta með Grænland og tengsl þangað og í framhaldi  að Ísland hafi verið einhver miðstöð á Norðurslóðum er eins og hvert annað píp.  Skipti engu í stóra samhenginu þessar 2-3 rostungstennur sem menn voru að bögglast með frá grænlandi á sínum tíma.  Neðanmálsgrein við neðanmálsgrein í stóra samhenginu.

Aðal- og megin útflutningsvara Íslands á þessum tíma var vaðmál.

 

Vita meira um tunglið en Grænland