Landsliðskonurnar í knattspyrnu komast í 8 liða úrslit og brjóta blað í íþróttasögu landsins.

Er nefnilega dáldið merkilegt afrek.  Og ber merki um að þær eru í fremstu röð í Evrópu eins og gefur að skilja.  Topp 10 a.m.k.

Þarna ná þær að vinna Holland í úrslitaleik um sæti í 8 liða úrslitum og þó vissulega megi segja að Ísland hafi haft lukkudísirnar með sér, þá var leikurinn ágætlega spilaður af hálfu Íslands.  

Það skein í gegn að þær íslensku höfðu trú á því allan tímann að þær gætu unnið og sú trú og barátta hélst út leikinn, þó að vísu manni fyndist varnarleikur Íslands inní eigin teig vera í 2-3 skipti beinlínis klaufalegur og Hollandi boðið í færi. 

Guðbjörg: Stórkostlegur varnarleikur

Athugasemdir

[Jóhann Elíasson, 18.7.2013 kl. 07:49]

Allur síðari hálfleikurinn var "nauðvörn" hjá þeim en sigurinn var góður.  Því miður hefur það verið þannig að á þessu móti hefur Íslenska liðið eingöngu spilað vel annan hálfleikinn.  Í þessum leik var það fyrri hálfleikurinn en sá seinni fór í að verja fenginn hlut og sá hálfleikur var svo til eingöngu spilaður á vallarhelmingi Íslands.  En við verðum að vera þakklát fyrir sigurinn og óska ég stelpunum til hamingju með árangurinn..................