Enn af fabúleringum yfirutanríkisráðherra þeirra framsjalla.

Það hefur vakið mikla furðu fabúleringar yfirutanríkisráðherra þeirra framsjalla í gær á þingi.  Hjá sumum hefur fabúleringatal hans vakið aðhlátur en aðrir hafa furðað sig mikið á bulltalinu.  Hvorutveggja skiljanlegt.  Meðal annars tók hann uppá því í miðju erindi að fara að fabúlera eitthvað útí buskann um Evruna:

,,Á vissan hátt var eðlilegt að Alþingi skyldi fyrir fjórum árum, þegar örlagaþrungin óvissa ríkti í efnahagslífi okkar og hins vestræna heims, sjá kosti í aðildarviðræðum við Evrópusambandið, einkum vegna evrunnar sem þá virtist búa að styrk, en nú blasir við annar veruleiki." http://www.forseti.is/media/PDF/2013_06_06_Thingsetning.pdf

Hvað meinar yfirutanríkisráðherra?  Það hefur ekkert breyst varðandi styrk Evrunnar sem gjaldmiðils.  Ja, ef eitthvað er, þá hefur Evran sannað gildi sitt og sannað gildi þess að hafa sameiginlegan gjaldmiðil.  

Það hefur ekkert breyst þessu viðvíkjandi frá 2008/2009 - nema þá að svokölluð króna sem höfð er sem viðmiðunargjaldmiðill hér innanlands uppí fásinni álíka og mattadorpeningur hefur sannað ógildi sitt en Evran enn frekar undirstrikað og sannað ábatakosti og gildi sitt.

Hef nefnilega tekið eftir einu, að endalausar fréttir mogga á undanförnum 4-5 árum um að ,,evran sé að hrynja" - þetta hefur smá saman búið til mynd í huga margra innbyggjara hérna um að evran hafi í raun hrunið.   Sumir innbyggjarar virðast enganvegin átta sig á að þetta voru bara bullfréttir í mogga og propaganda 101.  Nota viss orð aftur og aftur og barið á með hamri til þess að skapa ákveðna mynd hérna uppí fásinni.  Það er alveg ótrúlegt að svona sé hægt - en það er augljóslega hægt. 

Staðreynd málsins er að Evran er sterk og hefur staðið af sér allar ágjafir, léttilega, og hefur sannað gildi sitt enfrekar og undirstrikað.  

Svo er nú það.