Sennilega nálægt niðurstöðunni á morgun.

Sjallaflokkur verður aðeins stærri og fær forsætisráðherrann.  Framsókn sígur niðrávið og fær utanríkisráðherrann.

Þetta verður skrautlegt. 

Sjálfstæðisflokkur með mest fylgi

Stökkbreytt lán, forsendubrestur og leiðrétting.

Það hefur borið soldið mikið á slíkum frösum undanfarið.  Jú jú, eg fellst á að það er leiðinlegt að þurfa að segja eftirfarandi en samt sem áður eru það staðreyndir.

Ofannefnd orð í fyrisögn eru í raun bara frasar til notkunar í populískum tilgangi.  Það var enginn forsendubrestur eða stökkbreyting á verðtryggðum lánum.  Þau fylgdu bara verðbólgu og verðrýrnun krónunnar.  Allt og sumt.  Og þetta fyrirkomulag hefur verið í 30 ár a.m.k. 

Raunverðgidi skulda stóð í stað.  Krónan rýrnaði.  Það voru engin trikk hjá vondum aðilum og ekkert duló við þetta.

En hitt er svo allt önnur umræða, aðeg hef tekið eftir því að margt fólk - bókstaflega skilur ekki hvernig verðtrygging á lánum virkar.  Það skilur það ekki.  Það hugsar td. sem svo:  Ég tók 10 milljónir í lán - nún er það 12 milljónir!  Það hefur ,,hækkað".  Ég tók aldrei 12 milljónir í lán o.s.frv.

Fólk er að hugsa þetta svona.  það skilur ekki hvað verðtrygging er.  Það er auðvitað stórmerkilegt og verulega umhugsunarvert.