Um skattinn á innstæður yfir 100.000 Evrum á Kýpur.

Mikil umræða hefur verið um það efni hér uppi.  En hvað er um að ræða og hvað hefur verið gert því viðvíkjandi?  Í rauninni hefur ennþá enginn skattur verið lagður á innstæður.  það er það skrítna og nánast ótrúlegt miðað við umræðuna.

það sem hefur sannlega verið gert er að 2. stærsti banki Kýpur, Laiki bankinn, hefur verið settur í þrot og fer, sennilega, í hefðbundið þrotaferli og uppgjör.  þar er talið að innstæðueigendur muni missa talsvert af upphæðum yfir 100.000 vegna þess að flestir eru á því að eignastaðan sé veik.  þetta verður þó alltaf að koma betur í ljós með tímanum.

Ok. það sem sannlega er svo talað um í framhaldi er, að innstæðuegendur sem eiga yfir 100.000 Evrur í öðrum bönkum muni þurfa að taka á sig lög sem breytir vissu prósenti af nefndum innstæðum í hlutafé í viðkomandi banka.  Hve mikið er ennþá óljóst.  Talað er um 20, 30 og allt uppí 40%.

þarna er enn afar erfitt að átta sig á hvort umrætt eigi að gilda fyrir alla banka.  En oftast er stærsti banki Kýpur, BOC,  nefndur sérstaklega til sögunnar um að slíkt sé í undirbúningi. 

Þessu viðvíkjandi verður að hafa í huga að ekki er um beinlís skatt að ræða.  Ekki beinlínis.  það er talað um að taka af innstæðum - og breyta í hlutafé í viðkomandi banka.

Umræða hlýtur því að beinast að því hvort raunhæft sé að ætla að aðilar máls endurheimti fjármuni að einhverju leiti eða að öllu eiti til baka.  Um þetta má deila.  Eg hef samt séð hugmyndir manna á Kypur sem telja að það geti vel verið líklegt að aðilar máls muni endurheimta mest allt til baka með tímanum - og hugsanlega jafnvel koma út í gróða.  Aðrir, og þeir eru sennilega fleiri, telja að þetta jafngildi að fjármunirnir væru að mestu tapaðir.  En um það er ekkert hægt að fullyrða.   Þetta hefur heldur ekki ennþá verið gert og óljóst hve mikið verður eins og áður er rakið.