Fjármögnun forsendubrestarbóta stórlega vanáætluð. Vantar 20 milljarða a.m.k.

 Það er sama hvar er borið niður hjá þessari hörmungarstjórn elítunnar.  Alltaf fer allt lóðbeint niður á hælana.  Svo er stritast við að segja ósatt linnulítið.  Væri huganlega best að vera ekkert að geyma það fram yfir áramót að henda þessu útúr þinginu.  Réttast að gera það bara fyrir jól jafnvel.

,,Friðrik Már Baldursson, prófessor í hagfræði við Háskólann í Reykjavík, segir að þeir 20 milljarðar sem koma eiga inn með nýjum bankaskatti dugi aðeins fyrir beinni skuldaniðurfellingu stjórnvalda. Það vanti um 20 milljarða í viðbót til að fjármagna þessar aðgerðir.

Meirihluti fjárlaganefndar hyggst leggja til að bankaskattur hækki, þannig að tekjur ríkisins aukist um 20 milljarðar. Það komi til viðbótar þeim rúmu 14 milljörðum sem hann átti að skila miðað við forsendur fjárlaga. Þessir fjármunir verða notaðir í skuldaleiðréttingaraðgerðir stjórnvalda.

Friðrik Már segir þessa upphæð duga til að fjármagna beina niðurfellingu skulda, en ýmis annar kostnaður falli til: „Það er bæði tapaðar skatttekjur ríkissjóðs, vaxtakostnaður vegna þess að það er ætlunin að yfirtaka 60 milljarða, eða yfirtaka kostnaðinn af 60 milljörðum til viðbótar strax á næsta ári ef ég skildi tillögurnar rétt. Síðan óhjákvæmilegur kostnaður Íbúðalánasjóðs út af uppgreiðslu skulda".

Aðeins verði komist hjá þeim kostnaði ef vextir hækka töluvert. Kostnaðurinn utan beinu niðurfellingarinnar sé því töluverður og það vanti fjármagn í hann. „Varlega áætlað hugsa ég að þessi kostnaður sé um 20 milljarðar króna og jafnvel eitthvað töluvert meira en það", segir Friðrik Már."

http://www.ruv.is/frett/bankaskatturinn-dugir-ekki

Hvað er nú að ske hérna? Sjallar og framsóknarmenn að lúskra á flóttamönnum?

Afhverju í ósköpunum fá ekki allri þeir sem komu sem flóttamenn 2008 ríkisborgararétt?  Hvað er í gangi??  þetta hljómar soldið sem sjallar séu að berja á fólki vegna þess að það er af palestínsku bergi brotið og þá telja sjallar og framsóknarmenn sjálfsagt að berja soldið á því til að þóknast ísraelum, að því er viðist á stundum.  Og í annan stað virkar þetta eins og framjallar vilji helst flæma fólkið úr landi vegna þess að Jafnaðarmenn höfðu forgöngu um að hada uppi lágmarksreisn Íslands í flóttamannamálum.

Fær ríkisborgararétt í fyrsta sinn

Forsætisráðherra framsóknarmanna sagði ósatt.

,,Nokkur fjöldi einstaklinga á atvinnuleysisbótum hefur haft samband, bæði við Alþýðusambandið og aðildarfélög þess, vegna ótta um að hætt verði að greiða atvinnuleysisbætur þar sem Atvinnuleysistryggingasjóður sé tómur og fjármagn ekki til staðar.

Tilefni þessara fyrirspurna er að Sigmundur Davíð Gunnlaugsson forsætisráðherra, lýsti í tíufréttum sjónvarpsins 17. desember stöðu Atvinnuleysistryggingasjóðs í tengslum við ákvörðun um greiðslu desemberuppbótar til atvinnuleitenda með eftirfarandi hætti: „Til þess að það sé hægt þurfa að vera til peningar í sjóðnum. Það var ekki núna. Raunar er sjóðurinn þegar kominn í töluverðan mínus þannig að ráðherra hafði ekki fjármuni til að greiða út.“ Það fylgdi síðan með að tekist hafi að finna fé og því verði hægt að greiða út desemberuppbótina. Margir atvinnuleitendur hafa skilið orð forsætisráðherra þannig að greiðsla atvinnuleysisbóta á nýju ári séu í uppnámi enda fullyrti Sigmundur Davíð að engir peningar væru til í Atvinnuleysistryggingasjóði.

Í tilefni af framangreindum orðum forsætisráðherra er rétt að fram komi að Vinnumálastofnun áætlar að eignir Atvinnuleysistryggingasjóðs um næstu áramót verði á bilinu 6,3 til 6,5 milljarðar króna. Þar til viðbótar er rétt að árétta að greiðslur atvinnuleysisbóta byggja á lögum um það efni og eru allar breytingar háðar lagabreytingum, en ekki stöðu Atvinnuleysistryggingasjóðs."

http://www.asi.is/desktopdefault.aspx/tabid-2/19_read-3982