Fáheyrður atburður hefur gerst!

EU Commission hefur óskað eftir að fá að nýta sér þann rétt að leggja fram sína afstöðu í ljótu skuldarmáli íslands! Að þeir skuli voooga sér!!! Nú, hitt er annað að nú bíður maður náttúrulega eftir að öfgaþjóðrembingar hérna komi með ríki sem vilja styðja málsstað þeirra og lagalega sterka upplegg. Heyrst hefur að Hógópógó-eyjar hafi ljáð öfgalingum eyra en sá böggull fylgir skammrifi að þeir eru hvorki í EU eða EFTA. En það verður eigi á allt kosið.

 

„Ekkert sem kemur okkur á óvart“

Gott mál.

Mjög gott að fá aðild Framkvæmdarstjórnarinnar að málinu.

ESB vill aðild að Icesave málinu

Tvær geðmatsskýrslur - sitthvor niðurstaðan.

Tilkynningin sem gefin er út um niðurstöðu nýju skýrslurnnar virkar afgerandi. þ.e.a.s. að ákveðin mótsögn er við fyrri skýrsluna. það er mjög athyglisvert og á eftir að vekja langvarandi umræður um geðmöt fyrir rétti.

http://www.dagbladet.no/2012/04/10/nyheter/innenriks/terror/anders_behring_breivik/21043921/

Hitt er annað að erfitt er að meta niðurstöðuna vegna þess að skýrslan sjálf er ekki opinber enn sem komið er.

 

Sérfræðingarnir tveir Terje Torresen og Agnar Aspaas  voru afar fámálir á blaðamannafundinum og gáfu ítið sem ekkert upp en sögðu frekari upplýsingar koma fram fyrir Rétti.

Nú fer sýrslan fyrir sérstaka nefnd eins og sú fyrri.  Allt mun þetta vekja mikla umræðu og deilur og nú þegar sýnist sitt hverjum í Noregi.  Einnig ber að hafa í huga, að þrýstingur um nýja skýrslu er mikið til kominn frá norskum fjölmiðlum.

Ljóst er samt að Dómsstólar munu á endanum dæma af eða á um þetta efni. 

Breivik er sakhæfur

Fyrri geðrannsóknarskýrsla um Breivik.

þrátt fyrir alla umfjöllunina um Breivik í norskum fjölmiðlum, þá hef eg hvergi séð stóra fjölmiðla vísa beint á skýrsluna í heild heldur aðeins samantektina eða lokakaflann. Mér finnst það dáldið sérstakt því sagt var að skýrslan væri opinber. Mér tókst eftir talsverða fyrirhöfn að finna skýrsluna í heild á netinu:

http://www.document.no/rettspsykiatrisk-erklaering-anders-behring-breivik/

Eftir að geðfræðingarnir létu skýrsluna frá sér fyrir áramót hófst þegar mikil gagnrýni á niðurstöðuna. Má segja að gagnrýnin hafi mikið til komið frá fjölmiðlum eða í gegnum fjölmiðla. því finnst mér sérstakt að fjölmiðlar skyldu ekki vísa í skýrsluna í heild heldur velja úr henni búta og búta og leggja útaf efninu. (Verdens Gang vísaði þó einhverntíman beint á skýrsluna í heild, að mér skilst, en einhverra hluta vegna var ekkert auðvelt að nálgast eða finna það.)

Nú, fallist var á að hefja nýja rannsókn með nýjum mönnum. Sú skýrsla kemur út núna á þriðjudaginn. Er hennar beðið með nokkurri eftirvæntingu í Noregi. Blöðin hafa eftir ónafngreindum heimildum að sú skýrsla sé, í það minnsta, ekki eins afgerandi og fyrri skýrsla. þ.e. varðandi það mat geðfræðinganna að B. sé geðsjúkur.

Athygli vakti þó að fræðingarnir sem unnu seinni skýrsluna nýttu ekki allan tíman sem þeim hafði verið gefinn. Luku verkinu viku fyrir tímamörkin og sögðu þá að þeir hefðu komist að niðurstöðu en gáfu ekkert uppi um hver niðurstaðan væri. Menn ráða á ýmsan hátt í það í Noregi. Heilt yfir má segja að væntingarnar í fjölmiðlum séu á þann hátt að B. verði ekki talinn sjúkur.

En eftir að hafa lesið fyrri skýrsluna sem linkað er á hér ofar, þá finnst mér niðurstaðan sannfærandi og alveg nógu vel fræðilega undirbyggð. Mér finnst liggja beint við að samþyggja niðurstöðu fyrstu skýrslunnar um veikindi B. Skýrslan er afar löng og fræðileg og samanstendur ma. af frásögnum af 13 samtölum sem fræðingarnir áttu við B. í fangelsinu. Að mínu mati er erfitt að sjá að ný skýrsla verði í algjörri mótsögn við hina fyrri. Ef svo verður - þá væri það eitt og sér dáldið merkilegt.

79 af stöðinni. Endalok þjóðar. Nýtt upphaf.

Myndin 79 af stöðinni var sýnd í Ríkissjónvarpinu í kvöld. Forn mynd byggð á samnefndri bók Indriða G. Eg skal ekkert segja um hvað bókin er en myndin er listrænn skets um endalok þjóðarinnar sem slíkrar. Eða, altso, það er það sem boðskapurinn snýst um.

Aðalpunktar eru dularfull kona, karl og amerískur hermaður. Konan er augljóslega Fjallkonan. Tákn Íslands. Eða innsta eðli og rót hins íslenska stofns. Hið andlega í Íslandi. Grunnurinn etc.

Karlinn er tákn dæmigerðs innbyggjara. Getinn af hinu forna heiðarlega samfélagi ofan úr afdölum og reynir að fóta sig á mölinni.

Nú nú. Konan, Fjallkonan eða Ísland hefur látið fallerast og selur sig ameríkönum. Að sjálfsöðu verður hún hálfrugluð af því enda beisiklí svik við sjálfan sig. Hið andlega og genatískt fullkomna Ísland.

þá takast kynni með konunni og hinum dæmigerða innbyggjara ofanúr afdölum. Til að undirstrika firringuna er tekið fram að eiginmaður hennar sé á geðveikrahæli í Danmörku.

Eigi þarf að orðlengja það að þetta samband, falleraðrar Fjallkonu og dæmigerðs innbyggjara endar með ósköpum sem vonlegt var.

Dæmigerði innbyggjarinn lendir í því að uppgvöta eðli máls er hann fer að selja ameríska dátanum fyrsta flokks sprútt. En þá er ameríkaninn einmitt heima hjá Fjallkonunni.

þá reynir hinn dæmigerði innbyggjari að komast aftur ,,heim". En ,,heima" er augljóslega tákn fyrir forna eðlilega Ísland uppí afdölum. Að sjálfsögðu er það vonlaust verk og hlýtur að enda vofveiflega.

Gamall vesfirðingur, geigur var svip hans í, sér fyrir afleiðingarnar og bíður innbyggjar næturgistungu - án árangurs.

,,Heimförin" endar með svefni og dauða. Endalok gamla Íslands. Rof.

Við tekur auðvitað eitthvað nýtt.  Fjallkonan hallar sér upp að vini innbyggjarans.

Nýja Ísland rís með falleraðri Fjallkonu og innbyggjar sætta sig við það.

Hið gamla er horfið að eilífu.  Hið nýja opnar óræðann faðm sinn.

Í gegnum myndinna er bakgrunnur tregaþung og jafnvel harmræn tónlist.

Skemtilega léttsýrð mynd.

 

 

Breivik: Flestir ráðherrar Norska Nasistaflokksinns voru settir á geðveikrahæli

af Verkamannaflokknum eftir seinna stríð. þetta er ma. sem kemur fram í bréfi er B. sendir norskum fjölmiðlum þar sem hann hafnar greiningu geðfræðinga um að hann eigi við andlega vanheilsu að stríða.

http://www.vg.no/nyheter/innenriks/22-juli/artikkel.php?artid=10049690

Bréfið sem er að sögn 38 síður hefur ekki verið birt í heild heldur birta fjölmiðlar aðeins stutta búta úr því. ABC Nyheter segir frá þessum parti:

,,það var ekki bara Hamsun sem var þvingaður til innlagnar á geðveikrasjúkrahús af Verkamannaflokknum eftir stríðið. Hamsun var aðeins einn af 15 einstaklingum sem máttu þola þá niðurlægjandi meðhöndlun. Staðreyndin er að flestir af ráðherrum norska nasistaflokksinns voru settir á geðveikrahæli". Segir B. í bréfinu.

Breivik: Geðdeild verri en dauði