Ótrúlegt hve fótboltinn er orðinn tæknilegur og mikil strategía.

Er í raun soldið öðruvísi leikur en í gamla daga.  Það er margt sem kemur til en td. má nefna vellirnir.  Vellirnir voru miklu þyngri í gamla daga og betri vellir í sjálfu sér breyttu leiknum.  Í dag skiptir líka svo miklu máli liðsheildin, að allar stöður sé skipaðar þokkalega tæknilega færum einstaklingum.  Jafnframt má nefna svæðisvörnina sem er orðin alsráðandi hjá betri liðum, að ég tel.   Vel skipulögð og útfærð svæðisvörn getur gert ótrúlega hluti.  Það má td. sjá hjá landsliði Íslands.  Til að brjóta sæmilega svæðisvörn á bak aftur þarf einfaldlega afar góð lið.  Það má sjá dæmi um nútímabolta á eftirfarandi bandi.  Skotland vs Þýskaland á dögunum.  Það er aðdáunarvert hve þetta er vel gert hjá þýskurum.  Þetta er alveg magnað lið Þýskaland eins og kom í ljós á síðasta HM.  Þeir leggja líka línurnar í nútímabolta.  Allir vilja spila eins og Þýskaland.