Allt gott að frétta frá ESB.

Þar er bara allt í besta lagi eins og gengur.  Mismunandi ástand félags- og efnahagslega í aðildarríkjum eftir atvikum.  Eins og alltaf hefur verið í gegnum tíðina.  Það verður alltaf einhverstaðar eitthvað að í heiminum.  Það er þannig sko, - ja nema að það komi paradís á jörðu.   Þá væri sjálfsagt ekkert að.  

 

Hvernig voru fjármenn metnir fyrr á tímum? Þeir voru metnir eftir því hvað þeir skiluðu miklum fyrningum að vori.

En fyrningar voru sem sagt hey sem afgangs var eftir veturinn.

Þetta sagði Páll á Aðalbóli að hefði verið meginreglan í gamla daga.   Það þótti ekkert óskaplegt þó féð væri frekar rýrt eftir veturinn.  Aðalmálið voru fyrningarnar.  En þeir sem skiluðu þokkalega framgengnu fé og áttu jafnframt góðar fyrningar, um þá var talað af mikilli respekt.

Páll á Aðalbóli, Hrafnkellsdal, var merkilegur maður.  Mjög fróður og átti eitthvert stærsta bókasafn í einkaeigu á Íslandi. 

Það má sjá Pál segja frá fyrningum og fjármönnum hér í miðjum þætti frá Jökuldal.  En frá mörgu fleira er sagt.  M.a. þegar Páli tókst að synda úr Jökulsá eftir að hann hrapaði úr kláfi í ána.

Páll var líka mikill sagnamaður.  Hann hafði hæfileika sem sennilega eru leifar frá sagnamenningu 19.aldar.  Að mínu mati má heyra það í myndbrotinu af honum um miðjan þátt.  Það er eitthvað í talandanum og framsetningunni, áherslunum.