Hvaða strategíu mun Scolari og Brasilíska þjálfarateymið nota þegar Neymar verður ekki með?

Mikið hefur verið  rætt um meiðsli Neymars hins Brasilíska og þar með brotthvarf frá HM.  Sumir hafa talað líkt og Brasilíska liðið væri búið að vera án Neymars.  Að mínu mati er það langt í frá svo.  Langt í frá.  

Vissulega verða brasilíumenn að rótera í liðinu og það bætist ofan á að T. Silva er í banni fyrir næsta leik.

En málið er að Brasilíumenn eru afar vel mannaðir og hingað til á mótinu hefur það í raun verið liðsheildin sem hefur skipt mun meira máli en Neymar.  Neymar er auðvitað mjög fær leikmaður og snjall - en það er langt í frá að hann þurfi endilega að vera ómissandi.

Brasilíumenn hafa meir að segja nokkra valkosti en tveir meginkostirnir væru að í fyrsta lagi halda skipulaginu í aðalatriðum sem verið hefur, 4-2-3-1,  og setja Oscar í stöðu Neymars.  Hann hefur áður sýnt mikinn styrk í slíku hlutverki og getur líka dottið djúpt afturávið þegar það á við.

Þessi lausn þýddi að  einhver yrði að taka stöðu Oscars og hugsanlega gæti Willian tekið þá stöðu.  (þó hefur heyrst að Willian hafi kvartað undan eymslum á æfingu nýverið en það er þó allt óstaðfest.)  Það er líka möguleiki á að Bernard hinn smávaxni fengi tækifærið.  En sá er ókunnur mörgum íslendingum.  Leikur með Shakhtar Donetsk og álitinn mikið efni.  Kraftmikill og trikkí leikmaður.

Hinsvegar gætu Brasilíumenn alveg tekið upp breytt leikskipulag svo sem 4-3-3 með Oscar og Hulk fremsta ásamt Fred þegar við ætti.  það væri sennilega öruggara ef haft er í huga að næsti andstæðingur er þýskaland.    Scolari hefur nokkrar útfærslur varðandi 4-3-3 strategíu og þyrfti ekki að setja inn Willian eða Bernard heldur gæti róterað öðrum eftir behag.

Samt er ekkert ólíklegt að hann haldi  Fernandinho og Paulinho í sínum stöðum þrátt fyrir að Gustavo komi til baka.  

Þeir hafa rosalega marga möguleika með liðið þeir brasilíumenn - innan viss ramma strategískt séð.

Hér má sjá Bernard:

 

Mál það varðandi lánasamninga er vísað var til EFTA snýst í raun um nokkra þætti.

Það var ekki aðeins spurt hvort verðtrygging væri heimil heldur líka hvort það lánaform eða tæknileg útfærsla á lánasamningum væri samkvæmt Evrópulögum heimil að miðað við 0% verðbólgu  þegar heild­ar­lán­töku­kostnaður ásamt ár­legri hlut­fallstölu kostnaðar er reiknaður út.

Í framhaldi er þá spurningin hvort það að miðað við 0% verðbólgu flokkist sem óréttmætir skilmálar í lánasamningum samkvæmt þar til gerðu dírektífi ESB.

Í staðinn fyrir að miða við 0% verðbólgu vilja sumir meina að miða ætti við verðbólgu á lántökudegi.

Þegar af þessum sökum er ljóst að málið snýst um tæknilegar útfærslur á lánasamningi.

Í viðkomandi samningum er tekið fram, og stundum oft, að lánið miðist við neysluvísitölu samkvæmt þar til gerðum reglum og taki breytingum eftir því.

Spurningin er því eiginlega hvort það dugi eða hvort þurfi að setja ákveðna verðbólguprósentu inní útreikninga um árlega hlutfallstölu. 

Tekist á um lögmæti verðtryggingar