Múslimaandúð nútímans vs gyðingaandúð fyrri tíma.

,,Á fyrri hluta 19. aldar var gyðingaandúð í Evrópu að mestu réttlætt á grundvelli hugmynda um að trúarbrögð og menning gyðinga væri ósamræmanleg vestrænum gildum. Gyðingar kynnu ekki að aðlagast og með fjölgun þeirra myndi óhjákvæmilega verða til „ríki í ríkinu“.

Þessi hugsunarháttur birtist til dæmis í skrifum heimspekingsins Bruno Bauer sem lagðist gegn því að gyðingar fengju að njóta mannréttinda til jafns við aðra nema þeir snéru baki við trúarbrögðum sínum, enda samræmdust þau ekki hinni veraldlegu samfélagsskipan.

Það var ekki fyrr en á seinni hluta 19. aldar sem gyðingahatur var réttlætt á vettvangi stjórnmálanna með vísan til félagslegs darwinisma og rasisma. Fyrst þá voru hugmyndir um erfðafræðilega galla gyðinga teknar alvarlega og líffræðimýtur um æðri og óæðri kynþætti náðu verulegri útbreiðslu."

http://www.dv.is/frettir/2014/6/7/muslimaottinn-minnir-fyrsta-stigs-gydingahatur-i-evropu/

Enn tekur Madelein McCann málið óvænta stefnu.

Nú gerist það að breska lögreglan er farin að leita á opnum svæðum nálægt sumarhúsastaðnum.  Portúgalska lögreglan er í samstarfi við þá bresku.  Í upphafi átti að rannsaka jarðveg í nokkra daga en nú hefur komið beiðni frá lögreglunni um að framlengja fram í næstu viku.

Nefnt mál hefur í öll þessi ár frá hvarfinu verið til umfjöllunnar á spjallborðum og til eru forum þar sem ótrúlega miklum upplýsingum hefur verið safnað saman og kemur upp umræða af og til.

Sumir fjölmiðlar vilja meina að fundist hafi fatnaður og verið sé að rannsaka hvort  það tengist hugsanlega hvarfinu.

Öllu þessu er mikið velt fyrir sér á spjallborðum ýmsum.

Nokkrir telja að það sé eftirtektarvert hve megin-fjölmiðlar fjalli almennt lítið um þessa stefnu málsins.

Breska lögreglan hefur haft málið til rannsóknar talsvert lengi og sumir vilja segja að fáir hefðu búist við að rannsókn hennar myndi leiða til slíkrar athugunnar á jarðvegi svo nálægt staðnum er Madeleine hvarf.   Reiknað er að um sé að ræða aðeins fárra mínútna gang frá húsinu.

Lögreglan hefur haldið öllum upplýsingum þétt að sér og svo virðist sem enginn leki komi,  um hvað uppgröfturinn eða jarðvegsrannsóknin  nákvæmlega snýst eða hvaða vísbendingar leiddu til þessa.

Frétt birtist í portúgölsku blaði um að vísbendingar hefðu komið um að hvarfið tengdist hugsanlega 3 portúgölum sem hefðu brotist inn í sumarhúsið og orðið Madeleine að bana.  Þeir voru sagðir viðriðnir eyturlyfjasölu og bætt var við að mögulega væri eyturlyfjahringur með mikil viðskipti á svæðinu.   Þetta vildi breska lögreglan ekki staðfesta.

Sumum finnst þetta einkennileg tenging og jafnvel fjarstæðukennd  og álíta að sé bara skáldskapur portúgalska blaðsins til að setja þrýsting á lögregluna um að gefa einhverjar upplýsingar. 

Allan þennan tíma hefur annað slagið verið uppi orðræða í þá átt að McCann hjónin hljóti að vita meira um málið en látið var uppi og öll sagan geti tæplega hafa verið sögð.

Einhverjir telja að þessi nýja stefna, þ.e. að breska lögreglan telji að mögulegt sé að Madelein hafi kannski verið grafin þarna svo nálægt hótelinu,  hljóti að beina kastljósinu aftur að McCann hjónunum og/eða hópinum sem var með þeim í fríinu. 

 Enn aðrir telja að þetta sé aðeins breska lögreglan að sýna lit, þ.e. að eftir alla rannsóknina verði hún þó að gera eitthvað.  Settir hafa verið miklir peningar í rannsóknina og jarðvegsathuganir núna virðast umfangsmiklar.