Færeyjar, Norðmenn og ESB við LÍÚ-Framsjallann: Vertu úti vinur! Fullorðna fólkið þarf að tala saman.

Þau tíðindi bárust uppí framsjallafásinnið að búið væri að semja um makrílinn.  Framsjallar komu náttúrulega af þjóðrembingsfjöllum.  Vissu ekki neitt.  Efasamt er að þeir viti hvað orðið ,,að semja" merkir.  Þessvegna gátu þeir auðvitað ekki vitað neitt.  Alltaf til stórskammar fyrir Ísland þessi elíta og sérhagsmunaklíkur.  Skipting makrílsins er þessi:

Sirka  279 000 tonn til Nojara, sirka 611 000 tonn til ESB og sirka 156 000 tonn til Færeyinga.  þá eru sett sirka 42 000 tonn ælþjóðlegum sjó sem stjórnað er af  NEAFC.

http://www.regjeringen.no/nb/dep/nfd/pressesenter/pressemeldinger/2014/Enighet-om-trepartsavtale-om-makrell.html?id=752940

Þá segja norsku sjávarútvegssamtökin að heildarkvóti sé ákveðinn  1.240.000 tonn.

http://fiskebat.no/Default.asp?page=9242&item=58228,1&lang=1

Ef það síðasttalda er rétt - þá virðist vera hugsað fyrir álíka kvóta til Íslands og Færeyja.  Og það var það sem búið var að tala um.   Spurning með Grænland.

Það sem skiptir ekki síður máli en kvótatölur eru samningar um gagnkvæmar heilmildir til veiða í sjó hvors annars.  Ekki er alveg ljóst hvernig því er háttað - en svo virðist sem færeyingar hafi samið um veiðar í norskum sjó þegar makríllinn er hvað verðmætastur. 

Á efirfarandi myndbandi má sjá bestu rokk/popp hljómsveit sem verið hefur á Íslandi ever. Tvímælalaust.

Jú jú, það má alveg segja að margir aðrir íslenskir einstaklingar eða hljómsveitir hafi samið betri og merkilegri tónlist og þá ekki síst í alþjóðlegu samhengi o.s.frv.  Það er vissulega svo.  En eg er að meina að þessi hljómsveit er langmerkilegust og besta hljómsveit í íslensku samhengi og miðað við innanlandsmarkað og íslenskan hugarheim.  Lang merkasta og besta.

Þarna ber fyrst að líta til að erlendir aðilar koma að þessu þó þeir aðilar séu vissulega með íslenskan hugarheim og rætur að hluta til.   Grúbban er alveg gríðarlega þétt,  allt rétt gert og hún fittar í heildina saman.  Bandaríkin, Raufarhöfn, Reykjavík.  Alveg merkilegt hve grúbban nær að tengja sig þéttingsfast í eina heild.

Samt er það söngvarinn sem gerir útslagið.  Sviðsframkoma mannsinns var algjör nýjung í íslensku samhengi.   Þó erlendar fyrirmyndir leyni sér ekkert - þá nær hann að gera þetta á svo íslenskan hátt,  fyrirhafnalaust og líkt og af eðlisávísun,  að merkilegt verður að teljast.  Engu líkara en hann sé að koma beint frá beitingarbalanum og hljóðneminn og snúrurnar í höndum hans líkt og beitingarlína.

Performansinn, sviðsframkoman,  er svo sterk og afgerandi - að algjört knockout er.    Hvorki fyrr né síðar hefur nokkur hljómsveit á Íslandi komið fram sem kemst nálægt ofanlýstu.  Þessvegna besta og merkast rokk/popp hljómsveit á Íslandi og eftirfarandi myndband er merk heimild um sögu Íslands.

 

 

Meirihluti vill þjóðaratkvæðagreiðslu um aðild að Sambandinu. Stuðningur við aðild mikill.

,,72% þeirra sem tóku afstöðu í könnuninni eru hlynnt þjóðaratkvæðagreiðslu um framhald viðræðna við Evrópusambandið. 21 prósent svarenda er á móti því, og 7% eru hvorki með né á móti.

Könnunin var gerð 27. febrúar til 5. mars, eftir að þingsályktunartillaga utanríkisráðherra um að draga umsókn að ESB til baka var lögð fram á þingi.

Þeir sem eru 65 ára og eldri eru andvígastir þjóðaratkvæðagreiðslu, 31% þeirra vill hana ekki. Íbúar á höfuðborgarsvæðinu vilja heldur atkvæðagreiðslu en þeir sem búa á landsbyggðinni.

Netkönnunin var lögð fyrir 1400 manns og 61% svaraði.

Einnig var spurt hvernig svarendur myndu greiða atkvæði ef framhald aðildarviðræðna yrði borið undir þjóðaratkvæði í dag. 59% þeirra sem taka afstöðu myndu örugglega eða líklega kjósa að halda viðræðum áfram. 41% myndi örugglega eða líklega greiða atkvæði með því að viðræðum yrði hætt.

(...) Í könnuninni var líka spurt um afstöðu til aðildar að Evrópusambandinu. Fleiri eru hlynntir aðild nú en þegar síðast var spurt í Þjóðarpúlsi, sumarið 2010. Þá mældust 26% með aðild en 59% voru á móti. Nú segjast ríflega 37% aðspurðra vera hlynnt aðild. Nærri 47% eru andvíg og 16% eru hvorki hlynnt né andvíg." http://www.ruv.is/frett/meirihluti-vill-thjodaratkvaedagreidslu

Um 65% þjóðarinnar vilja klára Aðildarsamning við Sambandið samkvæmt skoðanakönnunum.

Þetta er alveg sláandi.  Svo standa andsinnarnir með þjóðrembingssvipuna líkt og einhverjir harðstjórar og segjast vera sjálfskipaðir talsmenn þjóðarinnar.  Það eru tvær skoðanakannanir sem sýna tvímælalaust og afdráttarlaust vilja kjósenda til að Aðildarsamningur sé kláraður.  

Bæði könnun sem fréttablaðið gerði:  http://www.visir.is/tveir-af-thremur-vilja-ljuka-esb-vidraedum/article/2014703019913  og svo könnun sem MMR gerði en sú könnun er þó sérkennilega orðuð en það er að vísu viðloðandi það fyrirtæki að orða spurningar sérkennilega:  http://www.mmr.is/frettir/birtar-nieurstoeeur/379-meirihluti-vill-halda-adhildarvidhraedhum-vidh-evropusambandidh-opnum

Hjá MMR er jafnvel enn meir afgerandi niðurstaða.   Og nei, það þýðir ekkert að segja ,,fréttablaðið bla bla" o.s.frv. því könnun Fbl. er alveg framkvæmd á hefðbundin hátt og kannanir sem það blað gerir hafa ekkert reynst verri að meðaltali en þær sem aðrir gera.

Það sem er svo mest áberandi við afstöðuna hjá MMR er þessi munur á milli höfuðborgar og landsbyggðar.  Furðulegur og umhugsunarverður munur á afstöðu manna.