Það er ljóta hörmungarliðið sem meirihluti innbyggja hefur kosið til valda hérna.

Þetta framsjallalið sem meirihluti fólks kaus barasta fyrir stuttu er algjörlega vanhæft fólk og má telja undur að það hafi sóst eftir störfum sem þessum.  Til er framsjallastöð sem heitir ÍNN og þar er mikið af framsjallabullukollum að bullustampast reglulega.  Og eg verð að segja að það er gjörsamlega skelfilegt að hlýða á það sem þetta fólk er að segja - á milli þess sem það lætur hringla í skartgripunum.  Að megninu til eru þingmenn framsjalla vitleysingar en í kaupbæti framlenging á nokkrum sérhagsmunaklíkum.  Nefndir aðilar hafa líka verið kallaðir af óháðum fjölmiðlamönnum, bófaflokkar.   

Burtséð frá ofannefndu, þá verður ekki litið framhjá ábyrgð meirihuta kjósenda að gera landinu þetta.  Þar ber að líta til þess sem Collingwood, íslandsvinurinn mikli, sagði um árið, eitthvað á þá leið,  að íslendingar væru mikið til grautarhausar sem kynnu tæplega að hugsa rökrétt heldur lifðu í allskyns órum og vitleysisbulli.  

Með orð Collingwood í huga verður etv. skiljanlegra afhverju meirihluti innbyggja kýs slík óbermi líkt og framsjalla yfir sig.  Það er grautarhausaeffektinn sem kikkar inn.  

Gísli Marteinn og Sigmundur Davíð.

Hahaha.  Forsætiráðherra svokallaður minnir þarna einna helst á einhvern kontórista frá 6 áratug síðu aldar.    þá voru svona kontórar svokallaðir  allstaðar og þar sátu menn á stól við lítið borð og þóttust miklir menn - af því þeir höfðu aðgang að kontórnum.  Mjög algengt að væru framsóknarmenn en líka sjallar.  Oft misnotuðu menn aðstöðu sína herfilega á slíkum kontórum.  Framkoma forsætisráðherra var með ólíkindum í sjónvarpinu og hljóta nú að renna tvær grímur á jafnvel hörðustu stuðningsmenn.  Forsætisráðherra gerði sjálfan sig að algjöru fífli og opinberaði alveg vangetu sína til þessa embættis.  Þarna horfir Gísli forviða á fyrirbærið.