Þrotabú banka mega greiða kröfur í erlendri mynt bæði í nauðarsamningum og gjaldþroti en verða að gera það á skráðu gengi daginn sem krafa er greidd.

,,Steinunn Guðbjartsdóttir, formaður slitastjórnar Glitnis, segir að föllnu bankarnir geti greitt kröfur út í erlendri mynd. Sama sé hvort þeim verði slitið með nauðarsamningum eða gjaldþroti. Þetta sé staðfest með nýjum hæstaréttardómi.

Hæstiréttur hefur staðfest dóm héraðsdóms, í máli kröfuhafa Kaupþings gegn slitastjórn bankans, um að krafa skuli greiðast út á skráðu gengi daginn sem hún er greidd. Einn af kröfuhöfum Kaupþings höfðaði mál gegn slitastjórninni og krafðist þess að krafa, sem greidd var út, miðaðist við skráð gengi evru þegar greiðslan var innt af hendi, en ekki við gengið 22. apríl 2009, daginn sem bankinn fór í slitameðferð. Héraðsdómur dæmdi kröfuhafanum í vil og Hæstiréttur staðfesti þann úrskurð. Í dómi Hæstaréttar kemur jafnframt fram að lög komi ekki í veg fyrir að þrotabú greiði kröfuhafa í erlendri mynt eigi búið slíkar eignir. Steinunn Guðbjartsdóttir, formaður slitastjórnar Glitnis, segir að dómurinn staðfesti þar með það sem slitastjórnin hafi alltaf haldið fram.

„En dómurinn tekur líka fram að búinu sé heimilt að greiða götu erlenda lánadrottna við skiptalok með því að kaupa á markaði fjárhæð í erlendum gjaldeyri ef til eru íslenskar krónur. Þannig að dómurinn staðfestir og tekur af allan vafa um að þetta sé heimilt."

...

http://www.ruv.is/frett/glitnir-bankar-megi-borga-i-erlendri-mynt

Framsóknarmenn viðurkenna aðför að velferðarkerfinu og hinum verst settu í samfélagi.

Þetta skulu menn muna vel og lengi.  Þegar framsóknarmenn ákváðu, vísvitandi, að láta hina verst stæðu og landsbyggðarfólk bera skarðan hlut frá borði og færa aðallega hinum best stæðu á höfuðborgarsvæðinu stórar gjafir.

Þeir hafa núna viðurkennt þetta.  Og þetta var alltaf tilgangurinn.

Það kemur ekkert á óvart með sjallaflokk að þeir taki þátt í þessu af áfergju því það er beinlínis stefna sjallaflokks að níðast á hinum verst stæðu og moka sem mest undir elítuna. 

En framsóknarmenn hafa hinsvegar ísmeygilega reynt að fela það.  Nú er komið upp um strákinn tuma.  

Framsóknarmenn eru svoleiðis með allt gjörsamlega á hælunum að óheyrt er annað eins hneyksli á lýðveldistíma.

 

Hvetur Björk til að hafna leiðréttingunni

,,Leiðrétting á forsendubresti" er í raun bara bullfrasi.

Það sætir furðu að það skuli vera hægt að keyra svona bull með hard core própaganda og handraukkaratilburðum gagnvart almenningi í fjölda ára og nánast enginn bendir á staðreyndir.

Verðtrygging hækkar ekkert lánin að raunverðgildi.  Lánin standa í stað!  

Það er krónan sem rýrnar að verðmæti en raunverðgildið heldur sér.  Allt og sumt.  Þetta fylgir íslensku krónunni.  Mikil og hröð rýrnun.

Það var engin forsendubrestur vegna verðtryggingar.  

Það sem gerðist var síðan að kaupið minnkaði að raunverðgildi.  Það lækkaði!

Ef menn ætluðu að bæta einhvern brest, þá hefði átt að bæta upp kauptap á þessu tímabili - og þá öllum en ekki aðallega vel stæðum einstaklingum á höfuðborgarsvæðinu sem tóku lán.

Það er alveg bara með ólíkindum, ólíkindum, að hægt skuli vera að böðlast svona á þjóðinni með hálfvitaprópaganda undir forystu skipulagðra terror-hópa, að breyttu breytanda, framsjalla.  Með ólíkindum.