Í viðræðunum

er verið að tala um að Ísraelar skili Gólan Hæðum.  Tóku þær 1967.  Þá er talið að um 100.000 íbúar hafi búið þar.  Flestir flúðu.  Síðan var aftur barist 1973 og endaði með að Ísraelar réðu mest öllum hæðunum og um 20.000 ísraelskir landnemar búa þar nú.  Fréttirnar koma algjörlega flatt uppá þá.

Auk þess hefur svæðið alltaf verið mjög mikilvægt fyrir Ísrael herfræðilega séð og það sem oft gleymist eru vatnsbólin.  Það er hægt að stjórna dreifingu vatns með yfirráðum yfir svæðinu.

Nú, er þetta er haft í huga, þá finnst manni ólíklegt að þetta verði nokkru sinni samþykkt í Ísrael, nema þá sem hluti af víðtækari friðarviðræðum við aðra hagsmunaaðila á svæðinu.

Líklegt að þarna búi eitthvað annað að baki, sem erfitt er að átta sig á.  Olmert er náttúrulega í veikri stöðu núna vegna hneykslismála og Hezbollah hefur stórstyrkt stöðu sína í Líbanon. 

Athyglisvert verður að fylgjast með framhaldinu.

Ósáttur við viðræður Ísraela og Sýrlendinga