Jón Bjarnason er búinn að fatta að framsjallar voru að spila með hann og þjóðina á tíma Jafnaðarstjórnarinnar.

Jón Bjarnason skrifaði pistil á sína heimasíðu, - og það er alveg glettilega góð grein.  Hann afhjúpar hræsni framsjalla, og þá aðallega framsóknarmanna.  Ennfremur bendir hann á furðulegan tvískinnung bændasamtakanna.  Eins og Jón nefnir í grein sinni, - þá hefði allt orðið snældutjúllað ef það hefði átt að gera það sem framsóknarmenn og sjallar ætla að gera núna í landbúnaðarmálum.  Það er merkilegt að engin viðbrögðhafa komið við harðorðum pistli Jóns:

,,Nýgerður tollasamningur við Evrópusambandið er af sama meiði og er eins konar innganga í Evrópusambandið um hliðardyr hvað landbúnað- og matvælavinnslu í landinu varðar. Það er þeim mun furðulegara að þetta eru ráðherrar Framsóknarflokksins sem leiða þessa vegferð, flokksins sem hefur á stefnu sinni að standa með bændum og íslenskri matvælaframleiðslu og gegn aðlögun að ESB aðild. Það sem tapast við svona aðgerðir verður ekki auðveldlega kallað til baka. Og enn furðulegra er að forysta bænda og matvælavinnslunar í landinu stendur eins og lömuð hjá : Það má nefnilega ekki styggja "sína" menn í forystu ríkisstjórnarflokkanna." http://jonbjarnason.blog.is/blog/jonbjarnason/entry/2103849/