Afhverju er Grikkland í vandræðum?

Það hefur yfirleitt verið lítil umræða um afhverju nákvæmlega vandræði grikkja stafa.  Menn hafa oftast verið uppteknir af ESB eða IMF o.s.frv.  En málið er auðvitað að vandinn liggur hjá grikkjum eða gríska stjórnkerfinu.  Nú er orðið almennt viðurkennt, að grikkir þurfa að framkvæma ákveðnar strúktúral breytingar.  Þær beinast aðallega að skattakerfinu og eftirlauna- og lífeyriskerfinu.  Það hefur berlega komið í ljós síðustu 5 ár, að afar erfitt er að beita skattatækinu í Grikklandi.  Margir virðast geta komið sér undan skattatækjum sem allra jafna eru afar virk á Vesturlöndum.  Jafnframt er sjóðakerfið með hálf dularfullum hætti.  Strax í byrjun stóð til að taka á þessu, - en það gerðist ekkert.  Menn byrjuðu og hættu við.  Reyndu síðan aftur o.s.frv.  Niðurstaðan var að nánast ekkert er búið að gera.  Það er ljóst að ýmsu þarf að breyta í stjórnkerfi og strúktúr eins og Eiríkur Bergman fór yfir á RUV í gær. 

Athugasemdir

[Ásgrímur Hartmannsson, 23.6.2015 kl. 11:58]

Grikkland hefur verið í óttalegum kaós í langan tíma - síðan á tímum Ottómana, en aðallega megnið af síðustu öld.

Það land náði ekkert að jafna sig eftir allt það sem gekk á, áður en það gekk í ESB, sem átti svo bara að laga allt, og á víst enn.

Þetta er þeim sjálfum að kenna, allt.

[Ómar Bjarki Kristjánsson, 23.6.2015 kl. 12:20]

Allavega að stóru leiti þeim að kenna.  En það er eins og það megi ekki segja það.  Þá bregðast sumir afskaplega illa við, einhverra óskiljanlegra hluta vegna.

Skattakerfin eða skattatækin eru aðaltæki vestrænna ríkja til að stilla af ríkisfjármál.  Tæki sem verða að virka hjá ríkjum ef vel á að vera.

En það er eins og þau virki ekkert hjá grikkjum eða allavega þannig, að afar seinlegt og mikið mál er að gera breytingar sem fúnkera fljótt.

Það hefur oft verið sagt á Íslandi, að þjóðaríþrótt íslendinga sé að svíkja undan skatti.  En samkvæmt málsmetandi mönnum, þá komast íslendingar ekki nánælgt grikkjum í þeirri íþrótt.  

Það hjálpar til, að gríska kerfið er afar flókið og endalausar undantekningar á alla kannta sem erfitt er að fylgjast síðan með að sé rétt með farið.

Það kemur líka mörgum á óvart að heyra það, að í mörgum tilfellum er eftirlaunakerfið þannig í Grikklandi, að fólk getur komist á eftirlaun um og uppúr fimmtugt.

Eg hef margoft séð menn neita því að svo sé á Grikklandi en Eiríkur Bergmann fullyrti á RUV í gær að það væri bara algengt.

Þa segir sig sjálft að ef margir fara á eftirlaun um 50 ára, - þá hefur það einhverjar afleiðingar sem skapa aðstæður sem td. eru ekki til staðar hér eða í norðanverðri Evrópu.

Eg var soldið hissa hvað Eiríkur tók sterkt til orða í Síðdegisútvarpinu á RUV í gær.  Hann fullyrti að það væri barasta algengt að farið væri á eftirlaun um 50 í Grikklandi.

[Ómar Bjarki Kristjánsson, 23.6.2015 kl. 12:33]

Má heyra viðtal við Eirík hér, byrjar um 25:

https://www.youtube.com/watch?v=PQQPgECUORs

[Ómar Bjarki Kristjánsson, 23.6.2015 kl. 12:34]

Úps, viðtalið er hér:

http://www.ruv.is/sarpurinn/ras-2/siddegisutvarpid/20150622