Hvað er eiginlega í gangi hjá ríkisstjórninni?

Hér er allt í fokk öppi eftir framferði stjórnvalda.  Allt bara í ruglinu.  Þjóðinni er ofboðið.  Þjóðinni ofbýður sjálftaka og framferði stjórnvalda sem færir efsta lagi samfélags stórar gjafir og allt annað er bara látið reka á reiðanum eða beinlínis barið niður ss. heilbrigðis- og menntakerfið.

Ok. staðan er eins og lýst er að ofan.  Margir eða eiginlega allir búast við að forsætisráðherra komi fram og segi eitthvað.  Tali til þjóðarinnar.  Í þau örfáu skipti sem hann hefur fengist í viðtöl, þá ræðst hann að þjóðinni með skömmum og í framhaldi talar svo furðulega að metast verður sem barasta eitthvað rakalaust bull út í loftið.

En varðandi efnisinnihald í tali forsætisráðherra, ef eitthvað er, verður að segjast að uppistaðan er hatur gagnvart Jafnaðarprinsipum og síðan samsæriskenningar sem hann styður engum rökum eða bitastæðum dæmum.

Sífellt fleiri undra sig á þessu framferði og framkomu forsætisráðherra.  Þessi framkoma er óásættanleg og hæfir ekki þessari stöðu.