Það hafa allir hafnað megin kröfum Syriza og grikkja. Ekki bara þjóðverjar.

Grikkir eru að fara fram á stórfelda lækkun ríkisskulda.  Ríkisskuldirnar eru aðallega skuldir við Evrópuríki og komu til þegar Grikkland var endurfjármagnað á hagstæðum kjörum fyrir nokkrum árum.  Þeir borga nánast enga vexti af þessum lánum og vaxtakostnaður þeirra er lægri en Íslands miðað við hlutfall af GDP, svo dæmi sé tekið.

Tsipras og Syriza eru að fara fram á að þessar skuldir verði að hluta felldar niður.

Þetta getur auðvitað ekkert ríki samþykkt.  Segir sig alveg sjálft.

Þetta er svona sambærilegt ef Ísland hefði farið fram á það, að færeyingar myndu fella niður um helming lánsins sem þeir veittu íslendingum eftir að sjallar rústuðu landinu síðast.

Tsipras og Syriza eru að eyðileggja svo fyrir sér og Grikklandi með fráleitum kröfum, - að maður áttar sig tæplega á hvað þeim gengur til með þessu.

Gagnrýni á Syriza fer vaxandi meðal annarra pólitískra afla í Grikklandi.  M.a. er bent á, að innan Syriza flokkabandalagsins eru öfl sem tengjast gömlu kommúnistunum og þar er á kreiki hugmyndafræði sem erfitt er að sjá að fitti inn í dag varðandi vanda Grikklands.

Talið er að sí erfiðara verði fyrir Tsipras að halda öllum örmum flokksinns saman.

Grikkir óska eftir framlengingu

Athugasemdir

[Tómas Ibsen Halldórsson, 19.2.2015 kl. 11:26]

Sæll Ómar

Þegar Grikkir tóku upp evruna mátti leiðtogum ESB vera ljóst að staða þeirra væri verri en menn vildu vera láta, þeir höfðu alla vega mannskap til að fara ofan í hlutina til að sjá hið augljósa.  Grikkjum var hins vegar tekið opnum örmum og meðan engin heimskrísa var lék allt í lindi. 

Síðan þegar á reyndi voru þeim settir afarkostir og þeir afarkostir hafa komið hart niður á almenningi í Grikklandi, sem ekki hafði unnið sér neitt til sakar frekar en við hér á Íslandi, nema ef vera skildi að þeir hafa leyft sér eitt og annað í góðri trú, eins og við gerðum.

Þegar búið var að þrýsta og þröngva Grikkjum út í horn þá var ekki við öðru að búast en þeir fengju nóg og kusu því til valda þá sem hétu þeim réttlæti gegn yfirgangi ESB.  Vinir þínir og samflokksmenn voru kosnir og náðu völdum.  Það sem þeir eru að reyna að gera er að létta þrýstingnum af almenningi í von um að þeir mættu sjá til sólar, einhverja von í framtíðinni.  Hvort það tekst veit ég ekki, en það sem Grikkir hafa mátt þola er hálfgert ofbeldi af hálfu ESB og má vissulega nota orðatiltæki þitt hér að ofan "Illa gefast ill ráð".

[Ómar Bjarki Kristjánsson, 19.2.2015 kl. 12:32]

Þín umsögn væri svo sem ágætt sem skáldsaga eða sem grunnur að reifara, - en hefur ekkert með raunveruleikann að gera.

Vandi Grikklands er alveg heimatilbúin.

Þeir hafa gert eiginlega allt rangt síðan samdrátturinn hófst fyrir nokkrum árum.

Lýðskrumið þar er talsvert verra en framsóknarmenn eru með hér.

Segir allt sem segja þarf.

[Tómas Ibsen Halldórsson, 19.2.2015 kl. 13:36]

Vissulega var og er vandi Grikkja heimatilbúinn að mjög miklu leiti, en þau ráð sem þeim var gert að fara eftir hafa "gefist illa".  Grikkjum var gert að selja mjólkurkýr sínar, en það hefur ekki þótt gott á þeim bæjum þar sem börn eru mörg og hungrið steðjar að.

[Ómar Bjarki Kristjánsson, 19.2.2015 kl. 15:13]

Það eru kostir og gallar við hvorutveggja, einka/opinber rekstur.

Meginmáli skiptir hvernig hvorutveggja er framkvæmt.

Ríkisrekstur hefur ekkert gefið mikið af sér i Grikklandi og þessi einkavæðing sem talað er um er í meginatriðum endurbætur rekstrar og jafnframt spilar vissulega inní að þannig geta grikkir minkað skuldir sínar því sum fyrirtækjanna eru stórskuldug.

ESB hefur ekkert nema jákvæð áhrif, - rétt eins ESB aðild hefur jákvæð áhrif barasta allstaðar þar sem það gæfuspor er stigið a gerast aðili að Sambandinu.

Þetta er ekkert launungarmál heldur staðreyndir.

Tal um eitthvað annað er bara reifari og annar þesslags skáldskapur.

[Ellert Júlíusson, 19.2.2015 kl. 18:34]

Einnig var víst gífurleg spilling innan Grísku stjórnarinnar sem að bætti ekki úr skák fjárhagslega séð.

Svona svipað ástand og hérna nema að við fáum þó smávægilegt hlutfall af auðlindunum sem við eigum til að kroppa í skuldirnar.

[Ómar Bjarki Kristjánsson, 19.2.2015 kl. 21:03]

Lýðskrumið er verra þarna, að mínu mati.  Það er fjölþættara og á harkalegra.  Náttúrulega  miklu fjölmennara land með glæsilega fornsögu.

Þetta lítur rosalega mikið út eins og grikkir séu að ,,bkackmaila" Evruríkin.

Jú jú, grikkir náttúrulega réttlæta þetta fyrir sér heimafyrir, - en eg segi fyrir minn hatt, að sumt í réttlætingum þeirra er fyrir neðan allar hellur.

Í Grikklandi eru það þjóðverjar sem er vondi kallinn.  Þeir tala eins og þeir hafi stuðning við sínar ítrustu kröfur meðal annara Evru-ríkja og þá aðallega Ítalíu, Frakkland og Spánn.

Vandamálið er að enginn styður meginupplegg Syriza svo sem skuldaniðurfellingu samhliða auknum útgjöldum.

Það er enginn stuðningur við ítrustu kröfur grikkja og það er svo vandasamt að sjá hvað grikkir kunni að fallast á.  Hve mikið þeir vilja gefa eftir af ítrustu kröfum.

Heimafyrir í grikklandi tala Tsipras og Varoufakis rosalega drýgindalega.  

Ástandið er orðið þannig að það gengur maður undir manns hönd við að reyna að koma viti fyrir Tsipras og félaga.  Nú síðast forsætisráðherra eins Eystarsaltsríkjanna sem sagði grikkjum vinsamlega, að það að hóta úrgöngu úr Evru væri engin hótun fyrir ESB eða Evruna sem slíka.  Úrganga grikkja úr Evrunni væri bara eins og að stökkva vatni á gæs.  Og það er auðvitað rétt hjá honum.