Mikil spenna í loftinu fyrir leik Íslands og Danmerkur.

Spennan er ekki síst tilkomin vegna þess að báðir þjálfarar eru íslenskir.  Það er líklega einsdæmi, að íslendingur sé í þessari stöðu sem Guðmundur Guðmundsson þjálfari Danmerkur er í.  Að vera skipstjóri íþróttaliðs sem er að berjast við Ísland í svo stórri keppni sem HM.  Það er mikil spenna bæði á Íslandi og Danmörku.

Mjög er til umræðu meðal danskra fjölmiðla að Guðmundur hefði snuðað danska blaðamenn í gær.  Hann kom allt í einu með nýjar samskiptareglur við fjölmiðla.  Ætlar bara að tala við einn eftir hvern leik, skilst mér, allavega tímabundið.

Síðan bæta sumir danskra fjölmiðla við, að eftir þennan snubbótta blaðamannafund hafi Guðmundur farið beint uppá hótelherbergi.  

Enn bæta þeir við að aðstoðarþjálfarinn, sem er danskur, hafi komið af fjöllum þegar danskir fjölmiðlar sögðu honum að Aron yrði ekki með.

Næst fara danskir fjölmiðlar í fyrrverandi þjálfara Ulrik Wilbek og spurja hann hvernig honum lítist á nýju fjölmiðlareglurnar.  Hann segir að Guðmundur ráði því.  

Þá spurja fjölmiðlar Wilbek afhverju Guðmundur hafi ekki jafnmikinn tíma til að sinna blaðamönnum og hann hafði.  

Wilbek svarar því til, að Guðmundur vinni ekki eins og hann.  Guðmundur sé að leggja miklu meiri vinnu í undirbúning en hann gerði.  Við erum að tala um, sagði Wilbek, að Guðmundur er að skoða video til klukkan 4 á nóttunni.  Svo klippir hann saman video fyrir hvern leikmann Danmerkur með punktum og áhersluatriðum og sendir það í farsímanna þeirra.

Guðmundur starfar ekki eins og ég og þegar hann var ráðinn, - þá átti hann ekki að starfa bara alveg eins og ég.

Nokkuð gott og ítarlegt svar hjá Wilbek.

Eina tap Guðmundar er gegn Íslendingum