Öfga-Hægrimenn eyðileggja jólin fyrir þjóðinni.

Ekkert fær að vera í friði fyrir þessum ofsa-hægrimönnum.   Öllu skal rústað.  Ekki einu sinni gátu þeir látið jólin í friði.

Að öðru leiti er auðvitað nauðsynlegt að tekin verði upp sérstök fræðsla í skólum um Jafnaðarprinsip sem náðu fótfestu hér uppúr 1900 og smá festu sig í sessi og lögðu grundvöll að samfélaginu hér eins og við þekkjum það í dag með lágmarksmannréttindum til handa almenningi.  Í framhaldi mætti fara yfir Jafnaðarmannaflokkinn og áhrif hans pólitískt.

Nú, svo mætti alveg kynna eða skoða hvaða áhrif jafnaðarprinsip höfðu á túlkun klerka á biblíu eða kristinni útleggingu á efninu.  Því kristni í dag er allt annað en kristni fyrr á öldum.  Tvennt ólíkt.

Þegar búið er að kenna þetta, þá skal vera fræðsla um hvernig sjallar eða íhalds og öfga-hægriöflin börðust gegn öllum réttindum almenningi til handa og hömuðust gegn öllum jafnaðarprinsippum og jafnræði - og gera enn.  Það kynnt fyrir börnum hvernig það þurfti að berjast við ofsa-hægrimenn og sjalla götu úr götu, hús úr húsi fyrir því sem í dag þykir algjör lágmarks mannréttindi og sjálfsagt mál.

Þetta er nauðsynlegt að færa inní skólana.

Athugasemdir

[Gunnar Heiðarsson, 16.12.2014 kl. 12:02]

Sæll Ómar Bjarki.

Það er kominn tími fyrir þig að lesa sögu okkar lands og þátt krata í henni. Það er sannarlega rétt að í uppafi tuttugustu aldar náðu kratar fyrst fótfestu hér á landi.

Hitt er líka staðreynd að við hvert spor okkar að sjálfstæði, í upphafi þeirrar aldar, börðust kratar gegn þeirri þróun og loks þegar stjálfstæði var lýst yfir, voru það aftur kratar sem stóðu á móti.

Enn er það svo að kratar hatast við sjálfstæði þjóðarinnar og sýndu það í verki sumarið 2009.

Að halda því fram að það sé krötum að þakka hversu vel okkur tókst að koma þjóðinni úr torfkofum í steinsteyp hús, hversu vel tókst til hjá þjóðinni að skipta á handverkfærum fyrir vélar í landbúnaði og hversu vel gekk hjá þjóðinni að skipta út árabátum fyrir togara, er eins fjarri sannleikanum og hugsast getur.

Hefðu kratar fengið að ráða værum við enn undir stjórn Dana, og framþróun hér á landi langt frá því sem varð.

Ef svo er skoðaður er þáttur krata fyrir launafólk í landinu, þarf ekki annað en að skoða tölur um kaupmáttaraukningu landsmanna og bera saman við setu krata í ríkisstjórnum á sama tímabili. Allan þennan tíma hefur kaupmáttur aukist, undanskilin nokkur skipti þegar hann hefur staðið í stað. Svo merkilegt sem það er að þegar kaupmáttur hefur staðið í stað, hafa kratar verið í ríkisstjórn. Eina tímabilið sem er frábrugðið þessari reglu eru árin 2009 - 2013, þá minnkaði kaupmáttur í fyrsta sinn.

[Gunnar Heiðarsson, 16.12.2014 kl. 12:07]

Hitt má svo skoða sem brandara hjá þér að kenna þeim sem vilja halda uppi kristnum gildum í landinu og tala gegn afkristninni, séu að eyðileggja jólin. Um hvað snýst jólahátíðin?!