Um ástæður þeirrar nýtilkomnu tísku að senda grunnsólabörn í kirkju á aðventu á skólatíma og standa í helgileikveseni og jesúmyndaföndri.

Þessi tíska kemur mér dáldið á óvart.  Verð að segja það.  Margir tala um hefð og sona.  Eg segi fyrir minn hatt, að eg man aldrei eftir þessu frá minni grunnskólagöngu.  Ef eg spyr fólk á álíka aldri, þ.e. sem var í grunnskóla frá um 1970 og framyfir 1980 - það kannast nánast enginn við þetta.  Nánast enginn.

Hvaða hefð er fólk þá að tala um?

Þetta virðist nefnilega bara nýtilkomið.

Eg held að ástæðurnar tengist einhverju samviskubiti fólks.    Þ.e.a.s. að það telur að það vanræki það að kenna börnum siðferði og ákveðin gildi nútímasamfélags.

Og þá vill það leysa það með einhverju svona instant trikki.  Senda börn í kirkju á aðventu og setja upp helgileik ásamt jesúmyndaföndri.

 

Athugasemdir

[Haukur Kristinsson (IP-tala skráð) 14.12.2014 kl. 14:10]

Þekktist ekki norður á Húsavík, enda var kirkjan köld, ekki hituð upp fyrr en á aðfangadag. Foreldrar mínir og við systkinin fórum hinsvegar alltaf í kirkju á aðfangadg kl. 18.00.

Ómissandi og fallegur þáttur í okkar jólahaldi.

Mér sýnist þetta vera einhver þjónkum klerka við Íhaldið, enda flestir í FLokknum. Annars óþarfi að gera mikið veður út af þessu.