Meira um steinkirkjuna eða Múrinn í Kirkjubæ, Færeyjum.

Fjallaði um hana hér:  http://heimskringla.blog.is/blog/heimskringla/entry/1524869/

Þessi bygging var sennilega aldrei fullkláruð en þó telja sumir að hún hafi verið í notkun til siðaskipta.  

Það er margt óljóst við bygginguna.  Færeyskar sagnir segja, líklega þjóðsaga, að byggingin hafi aldrei verið fullkláruð vegna þess að færeyingar hafi gert uppreisn,  því kröfur klerka varðandi vinnu og skatt voru svo miklar o.s.frv.

Aðrir draga þetta í efa og benda á aðra skýrigu sem er áfall samfélagsins við Svartadauða.

Hvað sem því líður lítur soldið þannig út að þak hafi eitt sinn verið á byggingunni.  Veit ekki með gluggana - en svo er að skilja sem sumir telji að gler hafi verið.  Það er þó óljóst.

Hitt er annað mál og alveg klárt, að byggingin er hrikalegt þrekvirki fyrir jafnlítið samfélag og Færeyjar.  Það er ekki aðeins byggingin sem slík heldur eru hoggnar steinhelgimyndir felldar inní bygginguna o.s.frv.  

Fræðimenn telja af þeim sökum augljóst að sérfræðingar utan Færeyja hafi komið að þessu og þá er nærtækast að nefna Noreg.  En Norska konungsveldið var í miklum blóma á þessum tíma eins og íslendingar þekkja vel.

Þetta er alveg ótrúlega flott og ekki síst í samhengi umhverfisins.  Fyrir neðan má sjá tvær myndir.  Fyrst eftirlíkan af því hvernig byggingin leit raunverulega út og svo byggingin núna með landið í baksýn.  Talsverðar deilur hafa verið í Færeyjum um hvernig best væri að varðveita þennan stórmerkilega forngrip: