Ísland vs Holland í boltasparki á Laugardalsvelli. Lítið reynt á íslenska liðið í þeim tveim leikjum sem af eru riðlakeppni.

Frammistaða mótherja Íslands þeirra tyrkja og letta var með fádæmum slök.  

Og það kom á óvart.  Tyrkir voru ekkert líkir sjálfum sér þegar þeir voru á Laugardalsvelli á dögunum.  

Sú skýring hefur komið á sérkennilegri spilamennsku þeirra, að þeir séu ekki vanir að spila á svo litlum velli og hafi enganvegin verið nægilega undirbúnir.  Ísland gekk á lagið og landaði óvæntum sigri frekar fyrirhafnarlítið.

Þá kom að lettum.  Vitað var að Lettland er ekki með svo sterkt lið um þessar mundir en hafa sýnt að þeir geta varist og kunna skipulag.

 En spilamennska þeirra gegn Íslandi var fyrir neðan allar hellur og hreinlega vekur furðu hve lélegir þeir voru.

Kostulegt var að sjá markvörð letta gera sig sekan um svo barnaleg mistök sem sjá mátti í fyrsta markinu, á afar krítísku augnabliki í leiknum - og þar með færa Íslandi sigur á silfurfati.

 Úthlaup eða hliðarhlaup hans var algjörlega útí bláinn og byrjendur í fótbolta læra strax að svona á aldrei að gera.   Sérstakt að sjá slík mistök á A landsliðsleveli.

Vegna ofansagðs er í raun fyrsti alvöru leikur Íslands á morgun.  Þá mun sjást hver raunverulegur styrkur íslenska liðsins er.  

Og verður mjög fróðlegt að sjá hvernig strategíu liðið ætlar að leika gegn hollendingum.  

Það mun allt koma í ljós á morgun. 

 

Hollendingar án Pieters