Kólombía hefur leikið skemtilegast boltann á HM hingað til.

Fyrir utan þá staðreynd að ameríkuliðin hafa komið sterk útúr byrjun HM svo sem Kosta Ríka, að þá er það eftirminnilegasta hingað til skemmtilegur stíll Kólombíu.  

Að vísu má alveg segja að Kólombía hafi ekki leikið gegn alsterkustu aðilunum hingað til og þeir hafi verið að sumu leiti heppnir með andstæðinga - að þá breitir það ekki því að leikur þeirra hefur verið nánast óaðfinnanlegur.  

Má eiginlega segja kannski að leikur þeirra hafi verið of góður og þeir geti varla haldið áfram slíkum dambi endalust - enda eru næstu andstæðingar þeirra sjálfir Brasilíumenn.

Eftirminnilegasta einstaka atvikið er stórglæsilegt mark James gegn Úrúgvæ.   Náttúrulega, að meðan lið eru fær um að gera slík mörk - þá segir það ákveðna sögu.

Það er ekki aðeins markið eða úrvinnslan hjá James sem er málið heldur allur aðdragandinn. Seinna markið hefur svo ekki síður flottan aðdraganda.

Með fyrra markinu gerði James nánast útum leikinn.  Úrúgvæ hafði greinilega þá strategíu að halda sem lengst jöfnu og þreyta Kólombíumenn.   Varnarleikur Úrúgvæ hafði verið skipulagður og traustvekjandi og ekki að sjá að þeir gæfu auðveldlega færi á sér.

Þá kom þetta hjá James og hann gerði þar með áætlanir Úrúgvæ að engu:

 

 

Kostaríka í átta liða úrslit eftir vítakeppni