Um styrkleika landsliðs Bandaríkjanna í fótbolta.

Það er nú ekki alveg rétt hjá Klinsmann að enginn hafi búist við þessu.  Vegna þess einfaldlega að Bandaríkjamenn hafa marg sannað sig í Heimsmeistarkeppninni.

Þ.e.a.s. að ef aðeins er horft á einstaklingana sem liðið samanstendur af og að aðrar íþróttir eru vinsælli í BNA en fótbolti,  ekki sterk deildakeppni  o.s.frv - að útfrá aðeins því er ekki við miklu að búast.

En Bandaríkin hafa marg sannað sig á Heimsmeistaramótum.  Það er aldrei fyrirfram hægt að afskrifa Bandaríkin í riðlakeppninni.  Það eru margir búnir að átta sig á því, að mínu mati.

Styrkleiki Bandaríska landsliðsins liggur fyrst og fremst í liðsheildinni.  Þeir eru skipulagðir og kunna alveg strategíu og tæknilegar útfærslur á leikstíl og aðlaga sig að hverjum andstæðingi.

Ennfremur er mikið sjálfstraust og öryggi.  Þeir hafa einhvernvegin trú á verkefninu og það skín alltaf í gegn.  Það er ekki auðvelt að ætla að brjóta Bandaríska liðið niður með því að keyra á það.  Þeir eru þolinmóðir varnarlega séð og gefast aldrei upp.  Leikurinn hjá þeim er alltaf 90 mínútur plús uppbótartími.

Margir einstaklinganna innan Bandaríska liðsins virka soldið sem fyrst og fremst íþróttamenn.  Þ.e.a.s. að þeir virka í þokkalegri æfingu og hafa úthald,  virðast vanir kappleikjum eða keppnum.  Einhvernvegin attitjúdið gagnvart keppni er afslappað en samt er nálgunin af öryggi.  Sumir vilja meina að það eigi rætur í  mikilli og margskonar  íþrótaiðkun í BNA skólakerfinu.  

Afleiðingin af öllu ofantöldu er, að meginstyrkur Bandaríska fótboltaliðsins er að þeir kunna að leika team-fótbolta.  Þeir eru svo mikið team.  Það er stundum alveg athyglisvert að fylgjast með þeim td. sóknarlega hvernig þeir geta sett á þunga pressu að marki andstæðinganna með einföldum, rökréttum samleik sem miðar að því að þrýsta sóknarlínunni sífellt nær marki þannig að hljóti að enda með góðu markfæri.

Önnur lið gætu lært ýmislegt af Bandaríkjunum í fótbolta.  Það er ekkert endilega málið í fótbolta að hafa afburða boltamenn.  Það að kunna að leika sem team skiptir líka máli og getur skilað góðum árangri.

„Enginn bjóst við þessu“