Njáls saga - kvikmyndabrot.

Eg man nú eitthvað lítið eftir þessari mynd sem var gerð rétt eftir 2000, að eg tel.  En burtséð frá því, þá er furðulegt að íslendingar hafi ekki gert margar myndir uppúr Njálssögu.  Væri allavega ekki verra en sumar þessar steypumyndir sem hafa verið gerðar síðustu ár eða áratugi.

 Miðað við hve erfitt er að færa Njáls sögu yfir í mynd, þá er að mínu mati stutta myndin sem sjá má á eftirfarandi link allt í lagi þannig séð.  Eða barasta með ágætum.   Það er margt alveg þokkalega vel gert.  Sérstaklega vel gert hvernig landslagið er notað í bakgrunni.  Margir leikarana framkvæma eða túlka hlutverk sitt líka sannfærandi, að mínu mati.  Eða alveg nógu sannfærandi.

 Eitt af því merkilega við Njálu er hve hún hefur margar hliðar og hve margar litlar sögur eru inní heildarverkinu.

Í raun minnir Njála á útskurð.  Sem var reyndar mjög í tísku er bókin var skrifuð.  Er soldið eins og flottur útskurður þar sem mörg smáatriði fléttast inní stærra verk.

T.a.m. er kaflinn eða þáttur þeirra Otkells og Skammkells í Njálu alveg kostulegur.  Og Hallkell bróðir Otkells.  Alveg karakterar sér á parti.  Þeim hlutverkum er skilað mjög vel þarna.

Gunnari og Hallgerði eru gerð ágæt skil.   

Að öðru leiti er kannski athygisvert hve myndin gerir söguna sannfærandi.  Búningarnir skipta líka máli og eru sennilega dáldið útpældir.   Maður fer að hugsa:  Jaá. bíddu við - þetta hefði alveg getað verið nokkurn vegin svona og Njáls saga er etv. að mestu leiti sönn o.s.frv. 

Að öðru leiti virkar þetta sem  íslendingar með stuðningi erlendra aðila hefðu getað gert miklu lengri mynd þarna um 2000 um Njálu.  En reyndar veit eg ekki hvort svo var gert eður ei.  Kom mér á óvart að rekast á þetta brot á youtube.