Sennilega væri skynsamlegast að henda framsjallastjórninni útum gluggann á þingi.

Sennilega.  Hvað verður um hana eftir það er að vísu óráðið - en líklegast verður hún þá barasta hirt upp af starfsmönnum borgarinnar með þar til gerðum tækjum og farið með uppí Sorpu, trúi eg.

Það verður að segjast eins og er að þetta er nú þegar orðið ónýtasta ríkisstjórn allar götur frá því að Heimastjórnin var sett á laggirnar.

Allir ráðherrar stjórnarinnar virðast annaðhvort óvenju illa gefnir eða þá óvenju illa innrættir.  Sumir sambland af hvorutveggja. 

Jafnframt er ljóst að þessir illa gefnu og/eða illa innrættu ráðherrar hafa lýst yfir stríði gegn sinni eigin þjóð.  Heimska þessara manna virðist ótæmandi.  

Um almenna þingmenn þessarar ríkisstjórnarræksnis þarf eigi að hafa mörg orð.  Helst er fréttnæmt úr þeim herbúðum að einn þingmanna ríkisstjórnarinnar lýsti því yfir á dögunum, alveg sjálfur, að hann hann hlakkaði alveg óskaplega til Bolludagsins.  Hallaði til Bolludagsins.

Skiptir svo sem ekki öllu máli hvað steypu þingmenn stjórnarinnar láta frá sér, því ljóst er að þingmenn framsjalla mega ekki hafa sjálfstæðar skoðanir eða skoðanir sem fara á svig við æðstu elítutoppa.  Þá kemur leiftursnöggt högg í höfuðið með elítulurki svo þeir þingmenn bera eigi sitt barr eftir það.  Þessvegna segja þingmennirnir bara já og amen við öllu frá toppunum.  Nema hugsanlega einstaka kjark- og þrekmaður svo sem Vilhjálmur Bjarnason.