Íslenska fyrirtækið Eykon og kínverski ríkissamstarfaðili þess.

Að þetta íslenska fyrirtæki er að uppistöðu 2-3 menn sem flestir vita hverjir eru, að ég tel,  og þeir eru að sögn í samstarfi við kínverkt ríkisolíufyrirtæki og ætla að fara að leita að olíu á dreka.  þeir eru búnir að skýra ,,væntanlega olíulind" og kalla Bergþóru.   Nefna Bergþóru.  Bergþóra skal hún heita.  

Nú, hægt að lesa um þetta kínverska fyrirtæki hér:   

http://www.dv.is/frettir/2013/6/9/eykon-i-samstarf-med-vafasomum-oliurisa-7LRVE2/

þetta kínverska fyrirtæki hefur enga eða nánast enga reynslu af olíuleit og borunum á svæði sem um ræðir í þessu tilfelli.

Með það í huga hvaða menn standa að þessu og hvernig þetta ber allt að - trúir einhver einhverju öðru en að þarna hafi verið um sýslað af vel staðsettum mönnum í bakherberjum reykfylltum eður ei?  Ekki ég.  Eg trúi ekki neinu öðru.

Það er alveg furðulegt að þetta sérstaka samkrull skuli ekki hafa hlotið meiri umfjöllun í íslenskum fjölmiðlum.   Kínverska ríkið á um 80% í þessu ,,leitarverkefni", að því er sagt er.  

Nefnt  kínverska ríkisfyrirtæki hefur hvorki reynslu af borunum á svæði sem þessu og hefur heldur ekki neina reynslu af réttum viðbrögðum við mengunarslysum.  (Og eigi ætla eg að lýsa ferli þessa fyrirtækis.  Sennilega má það ekki.)

Þetta er í raun allt hið fáránlegasta. 

 

Athugasemdir

[Valdimar Samúelsson, 3.2.2014 kl. 07:40]

Þetta er sorgarferill.Það að halda að það geti ekki orðið mengunarslys við tilrauna borun.Það líka að láta olíu þyrsta stórþjóð ráða ferðum á okkar svæði jaðrast á við nautheimsku. Það myn ekkert stoppa Kínverjanna hér. Hafnir og byrgðartankar eru næstu skrefin sem fólk hefir ekki tekið með í reikninginn. Þessi olía mmun fara í gegnum íshöfin það eitt er víst.

[Jón Steinar Ragnarsson, 3.2.2014 kl. 09:49]

Eru þetta ekki m.a. Halldór Jóhannson hjá teiknum á lofti og Reinhard Reynisson á Hísavík sem vildi flytja inn krókodíla til að annast sorpeyðingu þar.

Það er meira en lítið fróðlegt að skoða sögu þessara vægast sagt vafasömu einstaklinga.

Lára Hanna hefur einhverntíma fjallað ítarlega um þetta m.a.