Þau 4 lið sem komust í undanúrslit voru áberandi bestu liðin á mótinu.

Danmörk, Frakkland, Króatía og Spánverjar.  Var ákveðinn stigsmunur á milli þeirra og annara liða.  Að mínu mati er Frakkland með besta liðið þarna.  Það eru svo feikilega góðir einstaklingar sóknarlega í liðinu.  Mátti sjá í dag gegn spánverjum sem eru öflugir varnarlega, nautsterkir og þolinmóðir, að þeir náðu ekki að brjóta frönsku sóknina á bak aftur þegar upp var staðið.  Frakkar virtust geta bætt í alveg út leikinn.  Frakkarnir virtust ekki vera að gefa alveg alla kraftana í þetta.  

Danmörk er mjög vel spilandi lið.  Hraðinn hjá þeim og rythminn fallegur og nákvæmar útfærslur sóknarlega  aðdáunarverðar.   Króatar náðu ekki að halda leikinn út og voru þreyttir í restina.

Eg mundi ætla, fyrirfram,  að danir ættu í erfiðleikum með frakka.   Mér finnst franska liðið í heildina séð sterkara en það danska.  Og þá aðallega vegna þess að frakkar eiga nokkra gríðarlega öfluga handboltamenn sem virðast geta brotið upp hvaða vörn sem er og þá svona útá einstaklingsframtak, má segja.  

Ótrúlegt að sjá  þegar spánverjar lokuðu miðjunni,   hvernig frakkarnir gátu keyrt til hliðar framhjá pakkanum,  til hægri eða vinstri,  og komist inn að vítateig og jafnvel inní vítateig í 2-3 skrefum.   Ótrúlega margir metrar sem þeir náðu í 2-3 skrefum.  Nánast eins og einhverjir þrístökkvarar.   

Nikola Karabatic er einhver sá öflugasti handboltamaður sem uppi hefur verið.  Hreinn töframaður.  Og keppnisandinn og sigurviljinn er af fáheyrðri stærðargráðu.  Hann er reyndar af króatísku og serbnesku bergi brotinn.

En jú jú, danir eru öngvir aukvisar.  Afar snjallt og skemmtilegt lið eins og áður er sagt og heimavöllurinn telur sennilega eitthvað. Mikil stemming í höllinni í dag og það vann með dönum gegn Króötum.  Verður athyglisvert að sjá hvort liðið verður Evrópumeistari danir eða frakkar.  

„Ætlum að spila betri úrslitaleik en síðast“