Hnignun Íslands. Umtalsverður hluti innbyggja virðast vera hálfpartinn ga ga í hoveded.

Og afleiðingar eftir því náttúrulega.  Umtalsverður hluti fólks kýs bófaflokka til einvalda.  Flokka sem ljúga og svíkja á svo hálfvitalegan hátt að allir með lágmarksgreind sjá í gegnum það.  Síðan standa hinir sömu innbyggjar í gapastokki elítunnar og sprikkla þar og virðast hafa ánægju af því að láta elítuna flengja sig.  

Nú Nú.   Annað er svo eftir þessu.  Allskyns samsærismoðsuða veður uppi, peningar verða til úr engu eða detta af himnum ofan og þá helst frá vondum útlendingum.  Hlýnun Jarðar er samsæri vinstrimanna o.s.frv.  

Það nýjasta hjá innbyggjum er síðan að bólusetningar barna séu eitt mikið samsæri og stórhættulegt.  Sakvæmt opinberri skýrslu er allt að 20-25% barna óbólusett að hluta eða öllu leiti á sumum landssvæðum.  Halló.  1/4.

Er fólk virkilega svona helvíti heimskt?  Hefur fólk ekki heyrt um hve alvarleg áhrif ýmsir barnasjúkdómar/sjúkdómar höfðu bara fyrir örstuttu síðan?  Sjúkdómar sem tókst að útrýma með bólusetningum,  Sem dæmi,  Það má enn finna gamalt fólk sem fékk lömunarveiki.

Í heildina hlýtur þetta að vera merki um hnignun Íslands sem ríkis og ef ekki verður lát á - þá sennilega missir Ísland sjálfstæðið innan einhverra áratuga.  Og það aðallega bara vegna heimsku.