Sjóránið á Íslandi 1627.

Mikið hefur verið fjallað um sjóránið fyrir austan og sunnan á Íslandi 1627 og það yfirleitt kallað Tyrkjaránið.   Í raun voru fæstir sjóránsmanna tyrkir heldur var um aðila héðan og þaðan að ræða og ræningjarnir voru, má segja, svona einkaframtaks ræningjar.  

En uppgangur í sjóránum var talsverður á þessum tíma og stofnuðu sjóræningjar m.a. nokkurskonar sjálfstæð  ríki í Norður-Afríku.  Það landsvæði var almennt kallað í Evrópu á þeim tíma ,,Barbary coast" og dró nafnið af Berbum.  Þessvegna var talað á Íslandi um ræningja/heiðingja úr Barbaríinu.  

Á þessum tíma er sjóránið átti sér stað er talað um að flug eða uppgangur  sjálfstæðu ræningjana hafi verið hvað mestur og þeir sóttu talsvert langt í sínum ránum m.a. alla leið til Íslands.  Í Færeyjum var svo rán í Hvalba 1629 sem hljómar nokkuð svipað og ránin hér.  Einnig voru rán á Írlandi.  

Í þessari iðju sinni gerðu ræningjarnir gjarnan bandalög eða samkomulag við Evrópsk ríki sitt á hvað eftir því sem hentaði hverju sinni.

Einkaframtakssjórnæninginn  Murat Reis eða hinn hollenski  Jan Janszoon van Haarlem sem var um tíma forseti Lýðveldisins í Salé,  fór að leiðast stúss við opinberar athafnir og sneri sér aftur að sjóránum og sótti þá ákaft mjög norður og vestur á bóginn.  

En að öðru leiti var athafnasvæði sjórána frá Afríku fyrst og fremst Miðjarðarhafið og S-V Evrópa ss Portúgal og oft einbeittu þeir sér að því að ræna skipum.  Janszoon náði völdum í 5 ár á Lundy í Bristol Channel við Vesturströnd Englands og þar var kjörstaða til að herja frá.

Samt sem áður er ekki öruggt að Murat Reis hafi verið höfuðpaurinn í ránunum í Vestmannaeyjum og Austfjörðum.  En sennilega var hann hér fyrr um sumarið við sjórán í Grindavík og leiða má því líkur að því að hin skipin hafi verið á vegum hans.