Þetta kallar maður að breyta afstöðu sinni pólitískt séð.

Skondið myndband af Sjúrði Skaale færeyskum pólitíkus.  Sjúrður var upphaflega í Þjóðveldinu sem hefur sem eitt megin upplegg að Færeyjar skuli vera fullvalda og sjálfstætt ríki sem kallað er.  Um 2011 lenti hann í deilum við Högna Hoydal og fleiri í flokknum og gekk þá í Jafnaðarflokkinn en sá flokkur telur, yfirleitt,  samstarf við dani farsælast fyrir Færeyjar, allavega í nánustu framtíð.  Þrátt fyrir að breyta svona pólitískt um grunnafstöðu eins og sjá má í samanklipptu myndbandi, þ.e. þegar hann var í framboði fyrir Þjóðveldi og eftir að hann gekk í Jafnaðarflokkinn, þá er hann samt talsvert virtur pólitíkus í færeyjum og fulltrúi Færeyja á danska þinginu.  En hann bauð sig samt ekki fram á færeyska þingið síðast því hann taldi að það væri of mikið að sinna bæði færeyska og danska þinginu.    Þetta sýnir að pólitík er ekkert einfalt mál.  Er ekki já eða nei.  Heldur mitt á milli.