Sérkennilegir innbyggjararar.

Hún er alveg mögnuð furðulegheitarafstaða sumra innbyggjara hérna varðandi umheiminn.  Í stuttu máli er það þannig hjá þeim að Evrópa, og alveg sérstaklega V- og N-Evrópa er afskaplega slæmt og hættulegt - en Kína og Indland eru ríki sem á að beina áhuga að viðskipta- og efnahagslega. Og sennilega þá félagslega líka, býst eg við.

Nú skulum við bara segja Indland.  Að það er alveg langt í frá að Indland sé fyrirmyndarríki varðandi réttindi fólks.  Langt í frá.  Í raun á Indland ekkert sameiginlegt með þróuninni sem átt hefur sér stað í Evrópu á seinni hluta 20. aldar varðandi réttindi fólks.

Á Indlandi eru ennþá stórir hópar fólks - sem hafa engin réttindi eða eru meðhöndlaðir samkvæmt allt öðrum stöðlum en íslendingar þekkja.   Hópar fólks sem hafa stöðu í indverska ríkinu - sem innbyggjar hérna uppá skeri geti tæplega skilið í fljótu bragði.  Hugmyndafræðin er svo ólík því sem íslendingar eiga að venjast.

Þó Indverska ríkið hafi tekið á þessu á pappírnum - þá er víða um Indland nákvæmlega sama staða varðandi urædda hópa og hefur alltaf verið.  Þ.e.a.s. þetta er djúpt í viðhorfunum og ógerningur virðist vera að uppræta þetta.

Þetta háttalag indverja, eða fyrirkomulag, er ekkert annað en mannréttindabrot.  Þ.e. Indland er ríki sem brýtur mannréttindi alveg hægri vinstri.  

Maður er alveg virkilega hugsi yfir því að innbyggjar hér virðast líta á Indland sem mjög vænlegt til samskipta á allan hátt og hrósa í hástert.  Ríki sem er langt í burtu frá þróun sem fest hefur rætur og unnið sér sterkann sess í Evrópu varðandi réttindi einstaklinga og skyldur samfélaga gagnvart einstaklingum.  

Mér finnst þetta mjög furðulegt.  Það er eitthvað rotið við þetta.