Samið um bitlinga og skiptingu gæða milli tveggja drengja. Öðrum í þingflokkum haldið frá. Kemur þeim ekki við. Þeir eiga bara að fylgja forystusauðunum.

Ljóst er að Framsóknarþingmenn munu fylgja í einu og öllum orðum Simma enda er afar sterk hefð í þeim flokki að fylgja forystusauðnum auk þess sem flestir þingmenn Framsóknar virðast líta á Simma sem guð.  Gæti orðið erfiðara hjá Bjarna en það er þá aðeins vegna launsátursástandsins inní þeim flokki.   Það er barátta á milli klíka inní flokknum.  En það breytir lítið heildarmyndinni samt.  Sauðirnir renna í eina slóð.  Sennilega fram af bjargbrún.  Enda er hvorutveggju að annar sauðurinn sem settur er til forystu hefur aldrei verið látinn útúr húsi heldur verið stríðalinn á töðu og mjöli alla tíð,  en í eitt skipti var hinn settur út og þá rann hann beinaveginn ofan í dý og var bjargað þar og dröslað inní hús aftur.

Eigi bermilegt ástandið fyrir landið og lýðinn hérna. 

Árangursríkum fundi lokið

Athugasemdir

[Jóhann Kristinsson, 10.5.2013 kl. 00:42]

Ég man ekki til að þú værir svona neikvæður þegar Steingrímur (V) og Jóhann (S) voru að bræða hamsatólgina fyrir rúmmum 4 árum.

Þegar Jóhanna plataði Steingrím og hans álfa að svíkja öll kosningaloforð (V).

En hitinn var ekki nógu mikil því að hamsatólgin storknaði vegna þjóðarrembengins stuðningsmanna eins og þér sem halda að Ísland eigi heima í þýska sambandslýðveldinu ESB. Tæp 70% þjóarinar vill ekki gerast þjóðverji.

Slappaðu af drengur, hvernig væri að leifa þessum mönnum í (B) og (D) að sýna spilin áður en þú ferð að segja eitthvað um þá.

En sem betur fer hefur allt sem þú hefur verið eitilharður stuðningsmaður fyrir fallið á rassgatið og sem þú hefur verið andvígur náð fram að ganga. Vonandi heldur það trend áfram.

Kveðja frá Houston

[sæmundur (IP-tala skráð) 10.5.2013 kl. 06:49]

Eruð þið Magnús búnir að stofna vælubílaflota þú virðist sjá skrattann í hverju horni . Hefur þúekki litið út um gluggann og séð vorið koma.?

ein frétt sem ætti að gleðja ykkur Magnús

"1.580 nauðungarsölumál eru nú til meðferðar hjá sýslumanninum í Reykjavík. Er þar um að ræða bæði atvinnuhúsnæði, íbúðarhúsnæði og lóðir.

Á bak við hvert mál fyrir sig geta verið ein eða fleiri nauðungarsölubeiðnir en á fyrstu tveimur mánuðum þessa árs voru lagðar fram 534 slíkar beiðnir. Til samanburðar voru 2.450 beiðnir skráðar allt árið 2012, að því er fram kemur í umfjöllun um þetta mál í Morgunblaðinu í dag. Nauðungarsöluferlið getur tekið um eitt og hálft ár í heildina.

Samkvæmt upplýsingum frá sýslumanninum í Reykjavík bíða 611 mál fyrstu fyrirtöku. Nokkur tími líður á milli þess að nauðungarsölubeiðni berst og þangað til fyrsta fyrirtaka hennar er, en nýjar nauðungarsölubeiðnir sem berast í dag fara ekki í fyrstu fyrirtöku fyrr en í haust að undangenginni tilkynningu til gerðarþola og auglýsingu í Lögbirtingablaðinu.